Awtomatisku korekturu znjemóžnić

Po standardźe LibreOffice při zapodawanju wjele hustych pisanskich zmylkow awtomatisce koriguje a formatěrowanje nałožuje.

• Zo byšće awtomatisku korekturu abo wudospołnjenje spěšnje cofnył, tłóčće +Z.

• Zo byšće najwjace funkcijow awtomatiskeje korektury znjemóžnił, wotstrońće hóčku z menija Nastroje – Awtomatiska korektura – Při zapodawanju.

Zo byšće słowo z lisćiny awtomatiske korektury wotstronił

1. Wubjerće Nastroje – Nastajenja awtomatiskeje korektury….

2. Klikńće na rajtark Wuměnić.

3. Wubjerće w lisćinje Awtomatiska korektura słowny por, kotryž chceće wotstronić.

4. Klikńće na Zhašeć.

Zo byšće wuměnjenju pazorkow zadźěwał

1. Wubjerće Nastroje – Nastajenja awtomatiskeje korektury….

2. Klikńće na rajtark Nastajenja narodneje šemy

3. Znjemóžńće kontrolnej kašćikaj „Wuměnić“.

Zo byšće wulkopisanje prěnjeho pismika sady znjemóžnił

1. Wubjerće Nastroje – Nastajenja awtomatiskeje korektury….

2. Klikńće na rajtark Nastajenja.

3. Wotstrońće hóčku z kontrolneho kašćika „Kóždu sadu z wulkim pismikom započeć“.

Zo byšće rysowanju linije zadźěwał, hdyž tři identiske znamješka zapodawaće

LibreOffice awtomatisce liniju rysuje, hdyž tři ze slědowacych znamješkow zapodawaće a Enter tłóčiće: - _ = * ~ #

1. Wubjerće Nastroje – Nastajenja awtomatiskeje korektury….

2. Klikńće na rajtark Nastajenja.

3. Wotstrońće hóčku z kontrolneho kašćika „Ramik nałožić“.