Modus direktneho kursora

Zmóžnja abo znjemóžnja direktny kursor. Móžeće na spočatk, srjedźiznu abo kónc móžneje tekstoweje linki na stronje kliknyć a potom započeć pisać.

Wubjerće – LibreOffice Writer – Formatěrowanske pomocki, zo byšće zadźerženje direktneho kursora podał.

Přistup k tutomu přikazej …

Z menijoweje lajsty:

Wubjerće Wobdźěłać – Modus direktneho kursora

Z powjercha z rajtarkami:

Wubjerće Start – meni Start – Modus direktneho kursora.

Ze symbolowych lajstow:

Modus direktneho kursora

Direktny kursor wam zmóžnja, do někajkeho prózdneho wobłuka strony kliknyć, zo byšće tekst, wobrazy, tabele, wobłuki a druhe objekty zasadźili.

Jeli direktny kursor přibližnje wosrjedź mjez lěwej a prawej kromu strony abo tabeloweje cele stajeće, so tekst, kotryž zapodawaće, centruje. Runje tak so tekst naprawo wusměrjuje, hdyž so direktny kursor na prawej kromje pozicioněruje.

Awtomatiska korektura prózdne wotstawki, tabulatory a mjezoty awtomatisce wotstronja, kotrež su so přez direktny kursor zasadźili. Jeli chceće direktny kursor wužiwać, znjemóžńće awtomatisku korekturu.

Direktny kursor tabulatory staja, zo by kursor pozicioněrował. Jeli tabulatory pozdźišo měnjeće, móže so pozicija teksta na stronje tež změnić.