Wodowe znamjo
Zasadźće tekst wodoweho znamjenja w pozadku aktualneje předłohi strony.
Wodowe znamjo je identifikowacy wobraz abo muster w papjery, kotrež so jako rozdźělne wotsćiny swětłosće jewi, hdyž so přećiwo swěcy wobhladuje. Wodowe znamjenja buchu prěnjotnje direktnje za zhotowjenje papjery wutworjene, zo bychu falšowanju dokumentow, bankowkow, listowych znamkow a wjace zadźěwali.
Wužiwajće wodowe znamjenja w LibreOffice Writer, zo byšće wodowe znamjo na papjerje na dokumentowych stronach simulował.
Wupjelńće deleka dialogowe nastajenja.
Zapodate hódnoty so na aktualnu předłohu strony nałožuja.
Tekst
Zapodajće tekst wodoweho znamjenja, kotryž so ma jako wobraz w pozadku strony pokazać.
Pismo
Wubjerće pismo z lisćiny.
Njemóžeće pismowu wulkosć abo pismowy stil za tekst wodoweho znamjenja wubrać. Tekstowa wulkosć so skalěruje, zo by so w jednej lince do pozadka strony hodźał.
Kut
Wubjerće kut wjerćenja za wodowe znamjo. Tekst so wokoło tutoho kuta přećiwo směrej časnika wjerći.
Transparenca
Wubjerće stopjeń transparency za wodowe znamjo. Hódnota 0 % njepřewidne wodowe znamjo generěruje a hódnota 100 % dospołnje transparentne (njewidźomne).
Barba
Wubjerće barbu z wuběranskeho menija.
Wobsah abo nastajenje wodoweho znamjenja změnić.
Jeli wodowe znamjo, kotrež so wužiwa, je tekst, kotryž je so z menijowym přikazom abo z nastajenjemi dokumentoweje klasifikacije zasadźiło, móžeće wobsah a nastajenja při wočinjenju dialog Wodowe znamjo wobdźěłać.