Inspektor předłohow

Inspektor předłohow je w bóčnicy. Pokazuje wšě atributy wotstawkowych a znamješkowych předłohow a direktne formatěrowanje we wotstawku a w znamješku , hdźež kursor je. Tute podrobnosće móža wužitne być, hdyž pospytujeće wuslědźić, čehodla někotre formatěrowanja w dokumenće zdadźa so wopačne abo inkonsistentne być.

Wobłuk Inspektor předłohow

Kajkosće

Wotstawkowe předłohi: Pokazuje lisćinu wotstawkowych předłohow, kotrež su so na tekst na poziciji kursora nałožili, kotrež hierarchiji předłohow slěduja, hdźež nadrjadowana předłoha je nad kóždej podrjadowanej předłohu.

Direktne formatěrowanje wotstawkow: Pokazuje lisćinu wotstawkowych kajkosćow, kotrež su direktnje za tekst na poziciji kursora nastajene.

Znamješkowe předłohi: Pokazuje lisćinu znamješkowych předłohow, kotrež su so na tekst na kursorje nałožili, kotrež hierarchiji slěduja, hdźež nadrjadowana předłoha je nad kóždej podrjadowanej předłohu.

Direktne znamješkowe formatěrowanje: Pokazuje lisćinu znamješkowych kajkosćow, kotrež su direktnje za tekst na poziciji kursora nastajene.

Hódnoty

Pokazuje hódnoty kajkosćow.

Wužiće

Wužiwajće inspektor předłohow, zo byšće formatěrowanske problemy w swojim tekstowym dokumenće namakał.

• Kajkosće, kotrež su přez direktne formatěrowanje přepisane, so w štomje wotstawkowych a znamješkowych předłohow šěrja, to rěka, zo so kajkosć předłohi hižo njewuskutkuje.

• Kajkosće wotstawkoweje předłohi, kotrež so přez podrjadowanu wotstawkowu předłohu znowa definuja, so šěrja.

• Kajkosće znamješkoweje předłohi, kotrež so přez podrjadowanu znamješkowu předłohu znowa definuja, so šěrja.

• Wotstawkowe předłohi a direktne kajkosće, kotrež su so přez znamješkowe předłohi abo direktne znamješkowe kajkosće znowa definowali, so šěrja.

Jeli na přikład kromy wotstawki su so z pomocu linealow přez direktne formatěrowanje změnili, so kajkosć Kroma wotstawkoweje předłohi šěrja a kajkosće Kromy pokazuja so w zapisku Direktne wotstawkowe formatěrowanje inspektora předłohow.

Dalši přikład: Jeli znamješkowa předłoha Doraz słowo ze žołtym pozadkom wuzběhuje, a wužiwar jón mylnje z běłym pozadkom přepisa, by so atribut žołty šěrił a běły so pod Direktne formatěrowanje w inspektorje předłohow nalistuje. Inspektor předłohow jenož te atributy pokaza, kotrež wot nadrjadowaneje předłohi wotchileja (zwjetša wotstawkowa předłoha Standard).

Někotre funkcije inspektora předłohow předewšěm rozšěrjenych wužiwarjow zajimuja:

• Inspektor předłohow móžeće schowane metadaty RDF (Resource Description Framework, standard W3C) na poziciji kursora pokazać, kotrež su z tekstowym wotrězkami, wotstawkami a zapołožkami zwjazane. Za tekstowe wotrězki z anotacijemi móže zapisk „Zakašćikowany tekstowy wobsah“ mjezu zakašćikowanych tekstowych wobłukow z anotacijemi a pola metadatow pokazać.

• Swójske barbowe wotsćiny za pola metadatow dadźa so za tekstowy wobłuk abo polo metadatow z anotaciju nastajić, za wizualizaciju kategorijow metadatow w dokumentowym editorje. Wužiwajće Napohlad – Pólne wotsćiny abo tłóčće +F8, zo byšće tute pólne wotsćiny znjemóžnił abo zmóžnił.