Wotstawkowa signatura

Přidawa digitalnu signaturu na kóncu wotstawka. Dyrbiće digitalny certifikat měć, zo byšće wotstawk signował.

Přistup k tutomu přikazej …

Z menijoweje lajsty:

Wubjerće Zasadźić – Polo – Dalše pola… – rajtark: Dokument, potom Wotstawkowa signatura w polu Typ a klikńće na Zasadźić.

Z powjercha z rajtarkami:

Wubjerće Zasadźić – Polo – Dalše pola… – rajtark: Dokument, potom Wotstawkowa signatura w polu Typ a klikńće na Zasadźić.

Wubjerće Start – Polo – Dalše pola… – rajtark: Dokument, potom Wotstawkowa signatura w polu Typ a klikńće na Zasadźić.

Z tastatury:

Tłóčće + F2 a wubjerće Wotstawkowa signatura w polu Typ a klikńće na Zasadźić.

Wotstawkowa signatura metadaty za wužiwarja wobsahuje, kotryž je signaturu wutworił a datum, hdyž signatura je so wutworiła. Na kóncu wotstawkoweje signatury so pak Płaćiwy pak Njepłaćiwy jako tekst pokazuje. Po standardźe so Płaćiwy pokazuje. Jeli so wotstawk na někajke wašnje měnja, po tym zo je so wotstawkowa signatura přidała, so signatura do Njepłaćiwy změni.

Při składowanju dokumenta so njepłaćiwe wotstawkowe signatury awtomatisce zhašeja.

Wotstawkowa signatura podawa, hač wěsty wotstawk je so po zasadźowanju signatury změnił, abo nic. Wjacore wotstawkowe signatury dadźa so přidać a a kóžda signatura je njewotwisna wot druhich.

Wotstawkowu signaturu zasadźić

Nawigěrujće k Wotstawkowa signatura w dialogu Dalše pola a klikńće na Zasadźić, zo byšće dialog Certifikat wubrać wočinił.

Wotstawkowa signatura so přeco na kóncu tuchwilu wubraneho wotstawka zasadźuje. Jeli tekstowy kursor tuchwilu w tekstowym wotstawku njeje, so dialog Certifikat wubrać njewočini.

Dialog Certifikat wubrać waše digitalne certifikat nalistuje, kotrež su za wužiwanje k dispoziciji. Wubjerće požadany certifikat a potom Signować, zo byšće wotstawkowu signaturu z pomocu wubraneho digitalneho certifikata zasadźił.

Dyrbiće digitalny certifikat měć, zo byšće nałožowanje digitalnych signaturow započał.

Wo digitalnych signaturach