Postaja nastajenja za awtomatiske dźělenje złóžkow za jednotliwe wotstawki.
Přistup k tutomu přikazej …
Z bóčnicy:
Wubjerće Kajkosće – Wotstawk – Dźělenje złóžkow
Dźělenje złóžkow
Wobłuk Wotstawk bóčnicy jenož dźělenje złóžkow za jednotliwe wotstawki nastaja. Wužiwajće dialog Tekstowy běh, zo byšće přistup k nastajenjam dźělenja złóžkow za dokument abo předłohu abo dóstał abo dialog Dźělenje złóžkow, zo byšće jednotliwe słowa dźělił.
Dźělenje złóžkow
Klikńće na symbol Dźělenje złóžkow, zo byšće awtomatiske dźělenje złóžkow přepinał. Hdyž tute nastajenje je zmóžnjene, LibreOffice Writer awtomatisce trěbne dźělatka do wotstawka zasadźuje.
Dźělenje złóžkow
Přidatne nastajenja dźělenja złóžkow su k dispoziciji, hdyž dźělenje złóžkow je zaktiwizowane. Wužiwajće tute nastajenja, zo byšće přiměrił, hdźež so dźělatka zasadźuja.
WULKE PISMIKI dźělić
Słowa dźělić, kotrež su dospołnje we wulkich pismikach napisane, na přikład inicialne słowa.
WULKE PISMIKI dźělić
Poslednje słowo we wotstawku dźělić
Dźěli poslednje słowo wotstawkow. Hdyž tutu funkciju znjemóžnjeće, so wutworjenje nimale prózdnych linkow zadźěwa, kotrež jenož poł słowa wobsahuja.
Poslednje słowow wotstawka dźělić
Poslednju dospołnu linku wotstawka dźělić
Znjemóžńće tutón kontrolny kašćik, zo byšće dźělenju poslednjeje linki wotstawka zadźěwał. Dźělene słowo so do přichodneje linki přesuwa, jeli je dosć ruma za to. Přez to budźe poslednja linka wotstawka dlěša a prózdny rum mjez wotstawkami so redukuje.
Poslednju dospołnu linku wotstawka dźělić
Přez špalty dźělić
Znjemóžńće tutón symbol, zo byšće tomu zadźěwał, zo so přez špalty, zwjazany wobłuk abo stronu dźěli. Dźělena linka so do přichodneje špalty, přichodneho wobłuka abo přichodneje strony přesunje.
Přez špalty dźělić
Přez strony dźělić
Znjemóžńće tutón symbol, zo byšće tomu zadźěwał, zo so přez strony dźěli. Dźělena linka so do přichodneje strony přesunje.
Přez strony dźělić
Přez dwójny strony dźělić
Znjemóžńće tutón symbol, zo byšće tomu zadźěwał, zo so přez dwójnu stronu dźěli. (Dwójna strona so z dweju stronow zestaja, kotrejž so čitarjej naraz pokazujetej.) Dźělena linka so do přichodneje dwójneje strony přesunje.
Přez dwójnu stronu dźělić
Na kóncu linki
Zapodajće minimalnu ličbu znamješkow, kotrež maja na kóncu linki wostać, prjedy hač so dźělatko zasadźuje.
Na spočatku linki
Zapodajće minimalnu ličbu znamješkow, kotrež so maja na spočatku linki zjewić, po tym zo sće dźělatko zasadźił.
Na so sćěhowace linki
Zapodajće maksimalnu ličbu na so sćěhowacych linkow, kotrež dadźa so dźělić.
Wobstatk kompozituma
Nastajće 3 (abo wjace) znamješka, zo byšće dźělenje złóžkow w danšćinje, nižozemšćinje, němčinje, madźaršćinje, norwegšćinje a šwedšćinje polěpšił, zo by so dźělenje złóžkow mjez wobstatkami zestajeneho słowa preferowało, město toho zo by so druhi (třeći atd.) wobstatk direktnje za jeho 2 znamješkomaj dźělił.
Słowna dołhosć
Zapodajće minimalnu słownu dołhosć w znamješkach, kotraž da so dźělić.
Wobłuk dźělenja złóžkow
Zo byšće dźělenje złóžkow redukował, zapodajće dołhosć wobłuka dźělenja złóžkow. Město móžneho dźělenja złóžkow so linka mjez słowami łama, jeli zbytny horicontalny prózdny rum wobłuk dźělenja złóžkow njepřekročuje. Wobłuk dźělenja złóžkow k powjetšenym wotstupam mjez słowami w blokowej sadźbje wjedźe, a k wjetšemu wotstupej wot wotstawkowych kromow w teksće, kotryž w blokowej sadźbje njeje.
