Kajkosće

Zmóžnja nastajenje wšelakich kajkosćow za wobsahowy wodźenski element, kotryž je pod aktualnym kursorom.

Powšitkowne kajkosće

Wobsah je zastupowacy tekst

Aktualny wobsah jako zastupowacy tekst wobhladuje a předwuběra so, hdyž do wobsahoweho wodźenskeho elementa klikaće, zo by so wuměna zastupowaceho teksta z woprawdźitym wobsahom wosnadniła.

Titul

Zasadźće titul za wodźenski element. Titul so nad wodźenskim elementom pokazuje, hdyž kursor je we wodźenskim elemenće. Klikńće na titul, zo byšće dialog wodźenskeho elementa wočinił.

Značka

Znački podobnemu zaměrej słuža. Značka je přez mašinu čitajomny kluč abo jónkróćny identifikator w dokumenće. Hdyž formular je wupjelnjeny, móže eksterny program informacije z dokumenta ekstrahować, hdyž so wobsah značkow pyta.

Kajkosće kontrolnych kašćikow

Markěrowane znamješko

Znamješko, kotrež so wužiwa, hdyž kontrolny kašćik je markěrowany. Klikńće na tłóčatko Wubrać, zo byšće dialog Wosebite znamješka wočinił.

Njemarkěrowane znamješko

Znamješko, kotrež so wužiwa, hdyž kontrolny kašćik je njemarkěrowany. Klikńće na tłóčatko Wubrać, zo byšće dialog Wosebite znamješka wočinił.

Kajkosće zapiskow kombinaciskeho pola a wuběranskeje lisćiny

Pokazane mjeno

Za wužiwarjow přećelne mjeno, kotrež lisćinowy zapisk wopisuje.

Hódnota

Za mašinu přećelne mjeno, kotrež lisćinowy zapisk wopisuje.

Přidać, změnić a wotstronić

Přidawa, měnja a wotstronja zapiski w lisćinje.

Horje a dele

Přesuwa zapiski w lisćinje horje abo dele, zo by so lisćinowe pokazanje znowa rjadowało.

Datumowy format

Wubjerće datumowy format, kotryž so ma w datumowym wobsahowym wodźenskim elemenće pokazać.