Přepruwowanje bjezbarjernosće

Přepruwowanje častych problemow z bjezbarjernosću w dokumenće a podpěra za specifikacije PDF/UA w eksportowym dialogu PDF a we wobłuku bjezbarjernosće w bóčnicy.

Přistup k tutomu přikazej …

Z menijoweje lajsty:

Wubjerće Nastroje – Přepruwowanje bjezbarjernosće….

Wubjerće Dataja – Eksportować jako – Jako PDF eksportować – rajtark: Powšitkowny – wobłuk Powšitkowny – Uniwersalna bjezbarjernosć (PDF/UA) a klikńće na W porjadku/Eksportować.

Z tastatury:

+ 8

Z bóčnicy:

Wočińće bóčnicu Přepruwowanje bjezbarjernosće.

Ze statusoweje lajsty:

Přepruwowanje bjezbarjernosće

Přepruwowanje bjezbarjernosće dokumentowu strukturu přeběži a hromadźi wšě móžne problemy z bjezbarjernosću. Přepruwowanje da so manuelnje přez meni přewjesć abo zahiba so po eksportowym dialogu PDF , hdyž podpěra PDF/UA je zmóžnjena.

Wobłuk Přepruwowanje bjezbarjernosće w bóčnicy

Wobłuk Přepruwowanje bjezbarjernosće w bóčnicy lisćinu wšěch problemow pokazuje, kotrež su so w tekstowym dokumenće namakali.

Stajeja so zwjazanja k dispoziciji, z kotrymiž móžeće hnydom k problemej nawigěrować. Klikńće dwójce na zwjazanje, zo byšće k objektej z problemom bjezbarjernosće skočił a jón wubrał.

Tłóčatko Porjedźić

Klikńće na tłóčatko Porjedźić, zo byšće k problemej skočił a přikazy k dispoziciji stajił, zo byšće jón rozrisał.

Zwučene přepruwowanja bjezbarjernosće

Přepruwowanja, kotrež su tuchwilu implementowane, su:

Přepruwowanje, zo dokumentowy titul je postajeny.
Přepruwowanje, zo dokumentowa rěč je nastajena, abo zo wšě předłohi, kotrež so wužiwaja, maja nastajenu rěč.
Přepruwowanje wšěch wobrazow, grafikow, OLE-objektow za alternatiwny tekst (abo titul w někotrych objektach).
Přepruwowanje, zo tabele rozdźělene abo zjednoćene cele njewobsahuja, kotrež móhli wužiwarjow z widźenskej słabosću zamylić.
Přepruwowanje za wopačnym(manuelnym čisłowanjom (njewužiwa integrowane čisłowanje). Hdyž so na přikład "1." "2." "3." na spočatku wotstawkow pisa.
Přepruwowanje, hač tekst wotkaza sam wotkaz njeje – wotkaz měł so wopisować.
Přepruwowanje za kontrastom mjez tekstom a pozadkom. Algoritmus so w specifikaciji WCAG wopisuje.
Přepruwowanje za błyskotacym so tekstom, kotryž móže za ludźi z kognitiwnymi zbrašenosćemi abo swětłočućiwej epilepsiju problematiski być.
Přepruwowanje za nóžkami a kónčnymi nóžkami, kotrež so maja wobeńć.
Přepruwowanje porjad nadpismow. Porjad nadpismow dyrbi so krok po kroku bjez přeskokow powyšić (na přikład Nadpismo 1 do Nadpisma 3, Nadpismo 2 wšak so přeskoči).
Přepruwowanje, hač tekst z direktnym formatěrowanjom přidatny woznam wobsahuje.

Bjezbarjernosć w LibreOffice