Nastajenja nóžkow

Podawa formatěrowanje za nóžki.

Přistup k tutomu přikazej …

Wubjerće Nastroje – Nastajenja nóžkow a kónčnych nóžkow… – rajtark: Nóžki

Zo byšće přidatne nastajenje za nóžki postajił, wubjerće Format – Předłoha strony… a klikńće potom na rajtark Nóžka.

Awtomatiske čisłowanje

Čisłowanje

Wubjerće čisłowansku šemu, kotruž chceće wužiwać.

Wuběr	Wopisanje
1, 2, 3	Arabske cyfry
A, B, C	Alphabetical numbering with uppercase letters A–Z After item 26, numbering continues AA, AB, AC, ...
a, b, c	Alphabetical numbering with lowercase letters a–z After item 26, numbering continues aa, ab, ac, ...
I, II, III	Romske cyfry (wulkopisanje)
i, ii, iii	Romske cyfry (małopisanje)
A,... AA,... AAA,...	Alphabetical numbering with uppercase letters A–Z After item 26, numbering continues AA, BB, CC, ...
a,... aa,... aaa,...	Alphabetical numbering with lowercase letters a–z After item 26, numbering continues aa, bb, cc, ...

Ličenje

Wubjerće čisłowanske nastajenje za nóžki.

Nastajenje	Woznam
Na stronu	Započina čisłowanje nóžkow horjeka na kóždej stronje znowa. Tute nastajenje je jenož k dispoziciji, jeli kontrolny kašćik Kónc strony je we wobłuku Pozicija wubrany.
Na kapitl	Započina čisłowanje nóžkow na spočatku kóždeho kapitla znowa.
Na dokument	Čisłuje nóžki w dokumenće porjadu.

Před

Zapodajće tekst, kotryž chceće před nóžkowym čisłom w teksće nóžki pokazać. Zapodajće na přikład „Do“, zo byšće „Do 1“ pokazał.

Za

Zapodajće tekst, kotryž chceće za nóžkowym čisłom w teksće nóžki pokazać. Zapodajće na přikład „)“, zo byšće „1)“ pokazał.

Nóžkowe ličby so po standardźe we wobłuku nóžkow nalěwo wusměrjuja. Za naprawo wusměrjene nóžkowe ličby dyrbiće najprjedy wotstawkowu předłohu Nóžka wobdźěłać. Tłóčće , zo byšće dialog Předłohi wočinił a wubjerće Nóžka z lisćiny wotstawkowych předłohow. Wočińće kontekstowy meni z prawym kliknjenjom a wubjerće Předłohu wobdźěłać…. Přeńdźće k rajtarkej Zasunjenja a wotstupy a stajće zasunjenje na 0,00 cm za Před tekstom a Za tekstom, inkluziwnje prěnju linku.Wutworće tabulator (↹) naprawo pola 12 pt a tabulator (↹) nalěwo pola 14 pt na rajtarku Tabulatory. Zapodajće potom w dialogu Nastroje – Nastajenja nóžkow/kónčnych nóžkow… \t do polow Před a Za.

Započeć wot

Zapodajće čisło za prěnju nóžku w dokumenće. Tute nastajenje je jenož k dispoziciji, jeli sće „Na dokument“ w polu Ličenje wubrał.

Pozicija

Kónc strony

Pokazuje nóžki deleka na stronje.

Kónc dokumenta

Pokazuje nóžki na kóncu dokumenta jako kónčne nóžki.

Tekstowa předłoha

Zo byšće jednotny napohlad za nóžki w swojim dokumenće zawěsćił, připokazajće tekstej nóžki wotstawkowu předłohu a čisłu nóžkoweje kótwički a čisłu w nóžkowym wobłuku znamješkowe předłohi.

Wotstawk

Wubjerće wotstawkowu předłohu za tekst nóžki. Jenož wosebite předłohi dadźa so wubrać.

Strona

Wubjerće předłohu strony, kotruž chceće za nóžki wužiwać.

Tute nastajenje je jenož k dispoziciji, jeli kontrolny kašćik Kónc dokumenta je wubrany we wobłuku Pozicija.

Kótwička w teksće

Wubjerće znamješkowu předłohu, kotruž chceće za nóžkowe kótwički w tekstowym wobłuku swojeho dokumenta wužiwać.

Kótwička w nóžce

Wubjerće znamješkowu předłohu, kotruž chceće za nóžkowe čisła w nóžkowym wobłuku wužiwać.

Pokročowanska pokazka

Kónc nóžki

Zapodajće tekst, kotryž chceće pokazać, hdyž so nóžki na přichodnej stronje pokročuja, na přikład „Dale na stronje “. LibreOffice Writer čisło slědowaceje strony awtomatisce zasadźi.

Spočatk přichodneje strony

Zapodajće tekst, kotryž chceće na stronje pokazać, hdźež so nóžki na pokročuja, na přikład „Pokročowanje ze strony “. LibreOffice Writer čisło předchadneje strony awtomatisce zasadźi.