Liči słowa a znamješka, z mjezotami abo bjez mjezotow, w aktualnym wuběrje a w cyłym dokumenće. Ličenje so běžnje aktualizuje, hdyž zapodawaće abo wuběr měnjeće.
Přistup k tutomu přikazej …
Z menijoweje lajsty:
Wubjerće Nastroje – Ličenje słowow….
Z powjercha z rajtarkami:
Wubjerće Přepruwować – Ličenje słowow.
Wubjerće Ličenje słowow… w meniju Přepruwowanje rajtarka Přepruwować.
Ze symbolowych lajstow:
Ličenje słowow
Ze statusoweje lajsty:
Klikńće na wobłuk Ličenje słowow a znamješkow.
Kak LibreOffice słowa liči?
Zwjetša kóždy znamješkowy rjećazk mjez dwěmaj mjezotomaj je słowo. Wjazawki, tabulatory, łamanja linkow a wotstawkowe łamanja su tež słowne dźělatka.
Słowa z přeco widźomnymi dźělatkami kaž w plug-in, add-on, wužiwar/nastajenja so jako jedne separatne słowo liča.
Słowa móža měšeńca pismikow, ličbow a wosebitych znamješkow być. Tohodla so slědowacy tekst ze štyrjoch słowow zestaja: abc123 1.23 "$" http://www.přikład.com.
Zo byšće swójske znamješko přidał, kotrež ma słowne wobmjezowanje być, wubjerće LibreOffice – NastajenjaNastroje – Nastajenja… – LibreOffice Writer – Powšitkowne a zapodajće znamješko do pola Přidatne dźělatka. Po standardźe tute polo EM DASH (—) a EN DASH (–) wobsahuje.
