Dźělenje złóžkow
Zasadźuje dźělatka do słowow, kotrež so hižo do linki njehodźa.
LibreOffice dokument přepytuje a namjetuje dźělenje złóžkow, kotrež móžeće přiwzać abo wotpokazać. Jeli tekst je wubrany, so dialog dźělenja złóžkow jenož na wubrany tekst wuskutkuje. Jeli tekst wubrany njeje, so dialog dźělenja złóžkow na cyły dokument wuskutkuje.
Zo byšće aktualny wotstawk abo wubrane wotstawki awtomatisce dźělił, wubjerće Format – Wotstawk… a klikńće potom na rajtark Tekstowy běh. Móžeće tež awtomatiske dźělenje złóžkow na wotstawkowu předłohu nałožić. W teksće, w kotrymž je awtomatiske dźělenje złóžkow zmóžnjene, dialog Dźělenje złóžkow słowa njenamaka, kotrež dadźa so dźělić.
Hdyž LibreOffice słowow namaka, kotrež sej dźělenje złóžkow wužaduje, přewjedźće slědowace kroki:
-
Zo byšće dźělenje złóžkow pokazaneho słowa přiwzał, klikńće na Dźělić.
-
Zo byšće dźělenje złóžkow pokazaneho słowa změnił, klikńće na lěwy abo prawy šipk pod słowom a potom na Dźělić. Lěwe a prawe tłóčatka su za słowa z wjacorymi dźělenskimi městnami zmóžnjene.
-
Zo byšće dźělenje złóžkow pokazaneho słowa wotpokazał, klikńće na Přeskočić. Tute słowo so njedźěli.
-
Zo byšće zbytny dźěl wuběra abo dokumenta awtomatisce dźělił, klikńće na Wšě dźělić a wotmołwće na slědowace prašenje z „Haj“.
-
Zo byšće dźělenje złóžkow skónčił, klikńće na Začinić. Hižo přewjedźene dźělenje złóžkow so njecofnje. Móžeće Wobdźěłać – Cofnyć wužiwać, zo byšće wšě dźělenja złóžkow cofnył, kotrež su so nałožili, mjeztym zo je dialog Dźělenje złóžkow wočinjeny był.
Zo byšće wotstawki z awtomatiskeho dźělenja złóžkow wuzamknył, wubjerće wotstawki,potom Format – Wotstawk…, klikńće na rajtark Tekstowy běh a wotstrońće hóčku z kontrolneho kašćika Awtomatisce we wobłuku Dźělenje złóžkow.
Zo byšće dialog Dźělenje złóžkow znjemóžnił a přeco awtomatisce dźělił, wubjerće LibreOffice – NastajenjaNastroje – Nastajenja… – Rěče a narodne šemy – Pisanske pomocki – Nastajenja a wubjerće kontrolny kašćik Słowa bjez prašenja dźělić.
Zo byšće wjazawku manuelnje do dokumenta zapodał, klikńće do słowa, hdźež chceće wjazawku přidać a tłóčće potom cmd ⌘Strg+minusowy symbol (-).
Zo byšće škitanu wjazawku do dokumenta zasadźił, klikńće do słowa, kotrež chceće dźělić a tłóčće potom Umsch (⇧)+cmd ⌘Strg+minusowy symbol (-).
Zo byšće mjechke dźělatka schował, wubjerće LibreOffice – NastajenjaNastroje – Nastajenja… – LibreOffice Writer – Formatěrowanske pomocki a wotstrońće hóčku z kontrolneho kašćika Mjechke dźělatka.
Słowo
Słowo
Pokazuje namjety dźělenja złóžkow za wubrane słowo.
Lěwy/Prawy šipk
Nastajće poziciju dźělatka. Tute nastajenje je jenož k dispoziciji, jeli so wjace hač jedyn namjet dźělenja złóžkow pokazuje.
Přichodny
Ignoruje namjet a pyta za přichodnym słowom za dźělenje złóžkow.
Dźělić
Zasadźuje dźělatko na podatej poziciji.
Wotstronić
Wotstronja aktualne městno dźělenja złóžkow z pokazaneho słowa.