Při zapodawanju

Formatěruje dokument awtomatisce, mjeztym pisaće. Zo byšće formatěrowanske nastajenja postajił, wubjerće Nastroje – Awtomatiska korektura – Nastajenja awtomatiskeje korektury… a klikńće potom na rajtark Nastajenja.

Móžeće awtomatisku korekturu wužiwać, zo byšće tekstowe dokumenty a lute tekstowe dataje ASCII formatěrował, ale nic znamješka, kotrež sće manuelnje sformatěrował. Awtomatiske słowne wudospołnjenje so jenož přewjedźe, hdyž sće słowo druhi raz do dokumenta zapodał.

Hdyž awtomatiske formaty nałožujeće, slědowace prawidła płaća:

Awtomatiska korektura za nadpisma

Wotstawk so jako nadpismo formatěruje, hdyž su slědowace wuměnjenja spjelnjene:

1. wotstawk so z wulkim pismikom započina

2. wotstawk so z interpunkciskim znamješkom njekónči

3. prózdny wotstawk nad a pod wotstawkom

Awtomatiska korektura za dźělenske linije

Jeli tři wjazawki (---) abo wjace abo wěste druhe znamješka w lince zapodawaće a tłóčće potom Enter, so wotstawk z horicontalnej liniju po šěrokosći strony wuměni. Linija je poprawom delni ramik předchadneho wotstawka. Delni nutřkowny wotstup tajkeho wotstawka so na 0,75 mm staji. Slědowace prawidła płaća:

1. Tři wjazawki (-) k jednotliwej liniji (0,05 pt tołsta) wjedu.

2. Tři podsmužki (_) k jednotliwej liniji (0,75 pt tołsta) wjedu.

3. Tři znamjenja runosće (=) k ćeńkej dwójnej liniji (0,05 pt tołsta) wjedu.

4. Tři hwěžki (*) k tołstej/ćeńkej dwójnej liniji (2,25 pt tołstu) wjedu.

5. Tři tildy (*) k tołstej/ćeńkej dwójnej liniji (2,25 pt tołstu) wjedu.

6. Tři kósniki (#) k srjedźnej dwójnej liniji (1,50 pt tołsty) wjedu.