Wuměnjenje

Definujće tu wuměnjenja za wuměnite předłohi.

Přistup k tutomu přikazej …

Klikńće z prawej tastu myški na wotstawk z formatowej předłohu Wobsah. Wubjerće Wotstawk – Předłohu wobdźěłać – Rajtark: Wuměnjenje.

Wubjerće Napohlad – Formatowe předłohi (). Klikńće z prawej tastu na wotstawkowu předłohu. Wubjerće Nowy… – Rajtark: Wuměnjenje

Wuměnite předłohi su wotstawkowe předłohi, kotrež wotwisujo wot konteksta rozdźělne kajkosće maja. Hdyž su definowane, njemóžeće wuměnite kajkosće wuměniteje předłohi změnić.

LibreOffice wotstawkowe kajkosće wuměnitych předłohow takle nałožuje (tučne zapřijeća titulam dialogowych polow wotpowěduja): Jeli wotstawk, kotryž je z wuměnitej předłohu sformatěrowany, je w konteksće, z kotrymž je nałožena předłoha zwjazana, so wotstawkowa předłoha z toho wuměnjenja wužiwa. Jeli žana předłoha z kontekstom zwjazana njeje, so atributy nałožuja, kotrež su we wuměnitej předłoze definowane. Slědowacy přikład tutón zwisk ilustruje:

Wočińće prózdny tekstowy dokument a pisajće wobchodniski list z hłowowej linku (format – Předłoha strony… – rajtark: Hłowowa linka).
Wubjerće Nowy we woknje Předłohi a potom wšě wotstawkowe kajkosće w dialogu Wotstawkowa předłoha, kotrež chceće za swój wobchodniski list měć, zo byšće nowu wotstawkowu předłohu definował. Pomjenujće tutu předłohu „Wobchodniski list“.
Klikńće potom na rajtark Wuměnjenje a wubjerće polo Wuměnita předłoha, zo byšće nowu wotstawkowu předłohu jako wuměnitu předłohu definował.
Wubjerće w konteksće zapisk hłowoweje linki a potom pod Wotstawkowe předłohi předłohu za hłowowu linku w swojim wobchodniskim lisće; na přikład standardnu wotstawkowu předłohu „Hłowowa linka“. Móžeće tež swójsku předłohu wubrać.
Klikńće dwójce na wubrany zapisk w lisćinowym polu Wotstawkowe předłohi abo wužiwajće Nałožić, zo byšće wotstawkowu předłohu na kontekst nałožił.
Klikńće na W porjadku, zo byšće dialog Wotstawkowe předłohi začinił, a formatěrujće potom wšě wotstawki w swojim wobchodniskim lisće, inkluziwnje hłowowu linku, z wuměnitej wotstawkowej předłohu „Wobchodniski list“. (Hdyž do hłowoweje linki klikaće, dyrbiće snano Wšě předłohi abo Swójske předłohi w lisćinje předłohow pokazać, zo byšće nowu předłohu Wobchodniski list wužiwał.)

Tekst hłowoweje linki ma nětko atributy, kotrež sće we wotstawkowej předłoze Hłowowa linka definował, mjeztym zo druhe dźěle dokumenta maja atributy, kotrež sće we wuměnitej wotstawkowej předłoze Wobchodniski list definował.

Předłoha Wobsah je so jako wuměnita předłoha wutworiła. Tohodla dadźa so předłohi, kotrež sće wot njeho wotwodźeće, jako wuměnite předłohi wužiwać.

Wotstawkowa předłoha, kotraž so na kontekst nałožuje, so wužiwa, hdyž so do druhich formatow (RTF, HTML atd.) eksportuje.

Wuměnita předłoha

Markiěrujće tute polo, zo byšće nowu předłohu jako wuměnitu předłohu definował.

Kontekst

Tu móžeće předdefinowane konteksty LibreOffice widźeć, inkluziwnje rozrjadowanske runiny 1 do 10, lisćinowe runiny 1 do 10, tabelowu hłowu, tabelowy wobsah, wotrězk, ramik, nóžku, hłowowu linku a nohowu linku.

Nałožene předłohi

Tu móžeće lisćinu wšěch wotstawkowych předłohow widźeć, kotrež su so na kontekst nałožili.

Wotstawkowe předłohi

Lisćinowe polo lisćinu wšěch wotstawkowych předłohow wobsahuje, kotrež móžeće kontekstej připokazać.

Skupiny předłohow

To su skupiny předłohow, kotrež móžeće we woknje předłohow pokazać.

Mjeno	Woznam
Awtomatiski	Pokazuje předłohi, kotrež so k aktualnemu kontekstej hodźa.
Wšě předłohi	Pokazuje wšě předłohi aktiwneje kategorije předłohi.
Schowane předłohi	Pokazuje předłohi, kotrež su we woknje předłohow schowane.
Nałožene předłohi	Pokazuje předłohi (abo wubranu kategoriju), kotrež su so na na aktualny dokument nałožili.
Swójske předłohi	Pokazuje wšě swójske předłohi we wubranej kategoriji předłohi.
Tekstowe předłohi	Pokazuje formatowe předłohi za tekst.
Dokumentowa struktura	Pokazuje formatowe předłohi za strukturowanje dokumentow.
Lisćinowe předłohi	Pokazuje formatowe předłohi za rjadowane abo njerjadowane lisćiny.
Zapisowe předłohi	Pokazuje formatowe předłohi za zapisy.
Wosebite předłohi	Pokazuje formatowe předłohi za hłowowe a nohowe linki, nóžki, kónčne nóžki, tabele a popisy.
HTML-předłohi	Pokazuje lisćinu předłohow za HTML-dokument.
Wuměnite předłohi	Pokazuje swójske wuměnite předłohi.
Hierarchiski	Pokazuje předłohi we wubranej kategoriji w hierarchiskej lisćinje. Zo byšće předłohi w podruninje pokazał, klikńće na plusowy symbol (+) pódla mjena podruniny.

Wotstronić

Klikńće tu, zo byšće aktualny kontekst wotstronił, kotryž je wubranej předłoze připokazany.

Připokazać

Klikńće na Nałožić, zo byšće wubranu wotstawkowu předłohu na definowany kontekst nałožił.

Wróćo stajić

Staja změny wróćo, kotrež su so w aktualnym rajtarku přewjedli, na te nastajenja, kotrež do toho we wočinjenym dialogu běchu.