Předłohi we Writer

Slědowace informacije předłohi Writer nastupaja, kotrež móžeće z pomocu wobłuka Předłohi bóčnicy nałožić.

Jeli chceće, móžeće předłohi aktualneho dokumenta wobdźěłać a potom dokument jako předłohu składować. Zo byšće dokument jako předłohu składował, wubjerće Dataja – Dokumentowe předłohi – Jako dokumentowu předłohu składować….

Kategorija předłohi

To su rozdźělne kategorije formatowych předłohow.

Mjeno	Wopisanje
Znamješkowe předłohi	Wužiwajće znamješkowe předłohi, zo byšće jednotliwe znamješka abo cyłe słowa a sady formatěrował. Jeli chceće, móžeće znamješkowe předłohi zakašćikować.
Wotstawkowe předłohi	wužiwajće wotstawkowe předłohi, zo byšće wotstawki formatěrował, mjez druhim z pismom a pismowym wulkosću. Móžeće tež wotstawkowu předłohu wubrać, kotraž so ma na přichodny wotstawk nałožić.
Wobłukowe předłohi	Wužiwajće wobłukowe předłohi, zo byšće tekstowe a grafikowe wobłuki formatěrował.
Předłohi strony	Wužiwajće předłohi strony, zo byšće strukturu dokumenta organizował a čisła strony přidał. Móžeće tež předłohu strony podać, kotraž so ma na prěnju stronu nałožić, kotraž łamanju strony slěduje.
Lisćinowe předłohi	Wužiwajće lisćinowe předłohi, zo byšće rjadowane abo njerjadowane lisćiny formatěrował.

To su skupiny předłohow, kotrež móžeće we woknje předłohow pokazać.

Mjeno	Woznam
Awtomatiski	Pokazuje předłohi, kotrež so k aktualnemu kontekstej hodźa.
Wšě předłohi	Pokazuje wšě předłohi aktiwneje kategorije předłohi.
Schowane předłohi	Pokazuje předłohi, kotrež su we woknje předłohow schowane.
Nałožene předłohi	Pokazuje předłohi (abo wubranu kategoriju), kotrež su so na na aktualny dokument nałožili.
Swójske předłohi	Pokazuje wšě swójske předłohi we wubranej kategoriji předłohi.
Tekstowe předłohi	Pokazuje formatowe předłohi za tekst.
Dokumentowa struktura	Pokazuje formatowe předłohi za strukturowanje dokumentow.
Lisćinowe předłohi	Pokazuje formatowe předłohi za rjadowane abo njerjadowane lisćiny.
Zapisowe předłohi	Pokazuje formatowe předłohi za zapisy.
Wosebite předłohi	Pokazuje formatowe předłohi za hłowowe a nohowe linki, nóžki, kónčne nóžki, tabele a popisy.
HTML-předłohi	Pokazuje lisćinu předłohow za HTML-dokument.
Wuměnite předłohi	Pokazuje swójske wuměnite předłohi.
Hierarchiski	Pokazuje předłohi we wubranej kategoriji w hierarchiskej lisćinje. Zo byšće předłohi w podruninje pokazał, klikńće na plusowy symbol (+) pódla mjena podruniny.