Tekstowy běh

Podajće nastajenja tekstoweho běha za tekst před a za tabelu.

Tekstowy běh

Łamanje

Wubjerće tutón kontrolny kašćik a potom typ łamanja, kotryž chceće z tabelu zwjazać.

Strona

Zasadźuje łamanje strony před abo za tabelu.

Špalta

Zasadźuje łamanje špalty před abo za tabelu na stronje z wjacorymi špaltami.

Před

Zasadźuje łamanje strony abo łamanje špalty před tabelu.

Za

Zasadźuje łamanje strony abo łamanje špalty za tabelu.

Z předłohu strony

Nałožuje předłohu strony, kotruž za prěnju stronu podawaće, kotraž łamanju strony slěduje.

Předłoha strony

Wubjerće předłohu strony, kotruž chceće na prěnju stronu nałožić, kotraž łamanju slěduje.

Čisło strony

Zapodajće čisło strony za prěnju stronu, kotraž łamanju slěduje. Jeli chceće z čisłowanjom aktualneje strony pokročował, wostajće kontrolny kašćik prózdny.

Rozdźělenje tabele přez strony a špalty dowolić

Zmóžnja łamanje strony abo łamanje špalty mjez linkami tabele.

Linkowe łamanje přez strony a špalty dowolić

Zmóžnja łamanje strony abo łamanje špalty znutřka linki tabele. tute nastajenje so na prěnju linku w tabeli njenałožuje, jeli nastajenje Nadpismo wospjetować je wubrane.

Z přichodnym wotstawkom hromadźe dźeržeć

Dźerži tabelu a slědowacy wotstawk hromadźe, hdyž łaamanje zasadźujeće.

Nadpismo wospjetować

Wospjetuje tabelowe nadpismo na nowej stronje, hdyž so tabela po wjacorych stronach rozpřestrěwa.

Prěnje … linki

Zapodajće ličbu linkow, kotrež so maja do nadpisma zpřijeć.

Tekstowe wusměrjenje

wubjerće wusměrjenje za tekst w celach. Móžeće slědowace formatěrowanske nastajenja wužiwać, zo byšće wusměrjenje teksta w tabelowych celach podał:

• Horicontalny

• Wertikalny (wothorjeka dele)

• Nadrjadowane nastajenja wužiwać. Nadrjadowane objekty su strony a wobłuki, kotrež tabelu wobsahuja. Definuja, kak so tabela pozicioněruje a znutřka jeje nadrjadowaneho wuhotowanja zadźeržuje.

• Wertikalny (wotdeleka horje)

Wertikalne wusměrjenje

Podajće wertikalne tekstowe wusměrjenje za cele w tabeli.