Makro

Podawa makro, kotryž so ma wuwjesć, hdyž na wobraz, wobłuk abo OLE-objekt klikaće.

Přistup k tutomu přikazej …

Wubjerće Format – Wobraz – Kajkosće… – rajtark: Makro.

Wubjerće Format – Wobłuk a objekt – Kajkosće… – rajtark: Makro.

Wubjerće Nastroje – Awtomatiski tekst – tłóčatko: Awtomatiski tekst – Makro….

Wubjerće Nastroje – Wobrazowa karta…. Wočińće kontekstowy meni a wubjerće Makro….

Wubjerće Format – Znamješko – rajtark: Hyperwotkaz – tłóčatko: Podawki….

Podawk

Nalistuje podawki, kotrež móža makro startować. Jenož podawki, kotrež su za wubrany objekt relewantne, so nalistuja.

Slědowaca tabela objektowe typy a podawki nalistuje, kotrež móža makro startować:

Podawk	Podawkowy startowak	OLE-objekt	Wobraz	Wobłuk	Awtomatiski tekst	Wobłuk wobrazoweje karty	Hyperwotkaz
Na objekt kliknyć	objekt je wubrany	✓	✓	✓
Myška nad objektom	pokazowak myški so nad objekt pohibuje	✓	✓	✓		✓	✓
Hyptertekstowy wotkaz zahibać	Klika so na hyperwotkaz, kotryž je objektej připokazany	✓	✓	✓			✓
Myška objekt wopušća	pokazowak myški so wot objekta preč pohibuje	✓	✓	✓		✓	✓
Wobraz je so wuspěšnje začitał	wobraz je so wuspěšnje začitał		✓
Čitanje wobraza je so přetorhnyło	wužiwar je čitanje wobraza přetorhnył (na přikład při sćahowanju)		✓
Wobraz njeda so začitać	wobraz njeje so wuspěšnje začitał		✓
Zapodaće alfaznamješkow	tekst so zapodawa			✓
Zapodaće druhich hač alfaznamješkow	Wodźenske znamješka, na přikład tabulatory (↹) a łamanja linkow so zapodawaja			✓
Wulkosć wobłuka změnić	wulkosć wobłuka so měnja			✓
Wobłuk přesunyć	wobłuk so přesuwa			✓
Do zasadźowanja awtomatiskeho teksta	prjedy hač so awtomatiski tekst zasadźuje				✓
Po zasadźowanju awtomatiskeho teksta	po zasadźowanju awtomatiskeho teksta				✓

Za podawki, kotrež su z wodźenskimi elementami w formularach zwjazane, hlejće Kajkosće wodźenskich elementow abo Formularowe kajkosće.

Připokazana akcija

Podajće makro, kotrež so ma wuwjesć, hdyž wubrany podawk wustupuje.

Wobłuki wam zmóžnjeja, wěste podawki z funkciju zwjazać, kotraž potom rozsudźa, hač so ma podawk přez LibreOffice Writer abo přez funkciju předźěłać. Hlejće pomoc LibreOffice Basic za dalše informacije.

Makro z

Nalistuje program LibreOffice a někajki dokument LibreOffice. Wubjerće w tutej lisćinje městno, hdźež chceće makro wubrać.

Eksistowace makra

Nalistuje makra, kotrež su k dispoziciji. Wubjerće makro, kotrež chceće wubranemu podawkej připokazać a klikńće potom na Připokazać.

Připokazać

Připokazuje wubranemu podawkej wubrane makro.

Wotstronić

Wotstronja makrowe připokazanje z wubraneho zapiska.