Pozicija a wulkosć

Podawa wulkosć a poziciju wubraneho wobraza, wobłuka abo OLE-objekt na stronje.

Přistup k tutomu přikazej …

Z menijoweje lajsty:

Wubjerće Format – Wobraz – Kajkosće… – rajtark: Pozicija a wulkosć.

Wubjerće Format – Wobłuk a objekt – Kajkosće… – rajtark: Pozicija a wulkosć.

Wubjerće Napohlad – Formatowe předłohi – wobłukowe předłohi. Wočińće w kontekstowym meniju předłohi Nowy… /Předłohu wobdźěłać… – rajtark: Typ.

Wubjerće Zasadźić – Wobłuk – Wobłuk… – rajtark: Pozicija a wulkosć.

Z kontekstoweho menija:

Wubjerće Kajkosće – rajtark: Pozicija a wulkosć.

Z powjercha z rajtarkami:

Wubjerće Kajkosće… – rajtark: Pozicija a wulkosć w meniju Wobraz rajtarka Wobraz.

Wubjerće Kajkosće… – rajtark: Pozicija a wulkosć w meniju Objekt rajtarka Objekt.

Z tastatury:

F4, then Position and Size tab.

Ze statusoweje lajsty:

Klikńće na wobłuk wulkosće wubraneho objekta a potom na rajtark Pozicija a wulkosć.

Wulkosć

Šěrokosć

Zapodajće šěrokosć za wubrany objekt.

Relatiwny

Wobličuje šěrokosć wubraneho objekta jako procentowu sadźbu šěrokosće tekstoweho pola strony.

Relatiwna šěrokostna relacija

Rozsudźa, štož šěrokosć 100 % rěka: pak tekstowe polo (bjez kromow) pak cyła strona (z kromami).

Wysokosć

Zapodajće wysokosć za wubrany objekt.

Relatiwny

Wobličuje wysokosć wubraneho objekta jako procentowu sadźbu tekstoweho pola strony.

Relatiwna wysokostna relacija

Rozsudźa, štož wysokosć 100 % rěka: pak tekstowe polo (bjez kromow) pak cyła strona (z kromami).

Poměr wobchować

Wobchowuje poměr wysokosće a šěrokosće, hdyž nastajenje šěrokosće abo wysokosće měnjeće.

Originalna wulkosć

Staja nastajenja wulkosće wubraneho objekta na prěnjotne hódnoty wróćo.

Tute nastajenje za wobłuki k dispoziciji njeje.

Awtomatiska wulkosć

Přiměrja awtomatisce šěrokosć abo wysokosć wobłuka na wobsah wobłuka. Jeli chceće, móžeće minimalnu šěrokosć abo minimalnu wysokosć za wobłuk podać.

Nastajenje Awtomatiska wulkosć je jenož k dispoziciji, hdyž wobłuk wuběraće.

Škitać

Podawa škitne nastajenja za wubrany zapisk.

Wobsah

Zadźěwa změnam na wobsahu wubraneho zapiska.

Móžeće hišće wobsah wubraneho zapiska kopěrować.

Pozicija

Zawěra poziciju wubraneho zapiska w aktualnym dokumenće.

Wulkosć

Zawěra wulkosć wubraneho zapiska.

Zakótwjenje

Podajće nastajenja za zakótwjenje za wubrany objekt abo wobłuk. Nastajenja zakótwjenja k dispoziciji njejsu, hdyž dialog z wokna Předłohi wočinjeće.

Na boku

Zakótwja wuběr na aktualnym boku.

Na wotstawku

Zakótwja wuběr na aktualnym wotstawku.

Na znamješku

Zakótwja wuběr na znamješku. To je standard za wobrazy.

Jako znamješko

Zakótwja wuběr jako znamješko. Wysokosć aktualneje linki so wysokosći wuběra přiměrja.

Pozicija

Podajće městno wubraneho objekta na aktualnej stronje.

Horicontalny

Wubjerće nastajenje horicontalneho wusměrjenja za objekt. Wuběr poziciju objekta relatiwnje k wobłukej abo referencnej liniji podawa, kotraž je we wuběranskej lisćinje k wubrana. Tute nastajenje k dispoziciji njeje, jeli zakótwjenje jako znamješko je wubrane.

wo

Zapodajće wotstup, kotryž so ma mjez lěwej kromu wubraneho objekta a referencnym dypkom wostajić, kotryž w polu K wuběraće. Tute nastajenje je jenož k dispoziciji, jeli „Wotlěwa“ w polu Horicontalny wuběraće.

k

Wubjerće wobłuk referencneje linije za wubrane nastajenje horicontalneho wusměrjenja. Slědowace nastajenja su k dispoziciji:

Wotstawkowy wobłuk: Objekt so dźiwajo na cyłu šěrokosć pozicioněruje, kotraž je za wotstawk inkluziwnje zasunjenja k dispoziciji.
Wotstawkowy tekstowy wobłuk: Objekt so dźiwajo na cyłu šěrokosć pozicioněruje, kotraž je za tekst we wotstawku k dispoziciji, bjez zasunjenjow.
Nalěwo wot wotstawkoweho tekstoweho wobłuka: Objekt so we wobłuku wot lěweje tekstoweje mjezy do prěnjeho znamješka na lěwej kromje zakótwjeneho wotstawkoweho teksta pozicioněruje. Za wjacešpaltowe wotstawki so wobłuk nastupajo špaltu definuje, hdźež kótwička je. Hdyž kótwička w prěnjej špalće njeje, so wobłuk na lěwej kromje špalty započina.
Naprawo wot wotstawkoweho tekstoweho wobłuka: Objekt so we wobłuku wot poslednjeho znamješka na prawej kromje zakótwjeneho wotstawkoweho teksta do praweje tekstoweje mjezy pozicioněruje. Za wjacešpaltowe wotstawki so wobłuk nastupajo špaltu definuje, hdźež kótwička je. Hdyž kótwička w poslednjej špalće njeje, so wobłuk na prawej kromje špalty kónči.
Nalěwo wot tekstoweho wobłuka strony: Objekt so we wobłuku mjez lěwej kromu strony a lěwej kromu plus lěwy nutřkowny wotstup strony pozicioněruje.
Naprawo wot tekstoweho wobłuka strony: Objekt so we wobłuku mjez prawej kromu strony a prawej kromu plus prawy nutřkowny wotstup strony pozicioněruje.
Cyła strona: Objekt so dźiwajo na cyłu šěrokosć strony pozicioněruje, wot lěweje do praweho ramika strony.
Tekstowy wobłuk strony: wot nutřkowneje kromy lěweho nutřkowneho wotstupa strony do nutřkowneje kromy praweho nutřkowneho wotstupa.
Znamješko: Objekt so dźiwajo na horicontalny rum pozicioněruje, kotryž so přez znamješko wužiwa.

Dźiwajće na to, zo so sadźba nastajenjow, kotrež su k dispoziciji, wot nastajenjow kótwički wotwisuje. Tohodla so snano nic wšě nastajenja, kotrež su horjeka nalistowane, aktualneho wuběra kótwički dla pokazuja.

Móžeće wuslědk nastajenjow wusměrjenja widźeć, kotrež w polu Přehlad wuběraće.

Na runych stronach špihelować

Špiheluje aktualne nastajenja horicontalneho wusměrjenja na runych stronach.

Móžeće tež nastajenje „Na runych stronach špihelować“ za Wobrazy wužiwać, zo byšće wuhotowanje objektow na runych a njerunych stronach přiměrił.

Wertikalny

Wubjerće wertikalne wusměrjenje za objekt. Wuběr poziciju objekta relatiwnje k wobłukej abo referencnej liniji podawa, kotraž je we wuběranskej lisćinje k wubrana.

Móžeće wuslědk nastajenjow wusměrjenja widźeć, kotrež w polu Přehlad wuběraće.

wo

Zapodajće wotstup, kotryž so ma wot hornjeje kromy objekta do wubraneho wobłuka abo wubraneje referencneje linije we wuběranskej lisćinje k wostajić. Tute nastajenje je jenož aktiwne, hdyž su slědowace kombinacije Wertikalny a Zakótwjenje wubrane. Za tute kombinacije móžeće wotstup podać, kotryž so ma wostajić.

Wertikalny		ze zakótwjenjom
Wot horjeka	Hornja kroma wubraneho wobłuka. Pozitiwne hódnoty objekt dele přesuwaja, negatiwne hódnoty horje.	Na stronje, Na wotstawku, Na znamješku abo Na wobłuku
Wot deleka	Wubrana referencna linija. Pozitiwne hódnoty objekt horje přesuwaja, negatiwne dele.	Na znamješku abo Jako znamješko

k

Wubjerće wobłuk abo referencnu liniju za wertikalne wusměrjenje. Objekt da so nastupajo slědowace wobłuki abo referencne linije pozicioněrować:

Kroma: Wotwisujo wot typa zakótwjenja so objekt dźiwajo na wotstup mjez hornjej kromu a znamješkom (zakótwjenje „Na znamješku“) abo hornjej kromu wotstawka (zakótwjenje „Na wotstawku“) wotstawka, hdźež kótwička je.
Wobłuk wotstawkoweho teksta: Objekt so dźiwajo na spočatk wotstawka pozicioněruje, hdźež kótwička je.
Cyła strona: Objekt so dźiwajo na połnu wysokosć strony pozicioněruje, wot hornjeje do delnjeje kromy strony.
Wobłuk teksta strony: Objekt so wot delnjeje kromy hornjeho wobłuka nutřkowneho wotstupa do hornjeje kromy delnjeho wobłuka nutřkowneho wotstupa pozicioněruje.

Znamješko: Jenož za zakótwjenje „Na znamješku“ abo „Jako znamješko“ k dispoziciji, objekt so relatiwnje k wobłukej mjez hornim a delnim ramikom znamješka direktnje před městnom kótwički pozicioněruje. Znamješko, kotrež je ze zhromadnym ramikom z druhimi znamješkami abo objektami sformatěrowane, wužiwa wobłuk za najwyše znamješko abo najwyši objekt w zhromadnym ramiku.
Tekstowa linka: Jenož za zakótwjenje „Na znamješku“ k dispoziciji, objekt so dźiwajo na wysokosć tekstoweje linki pozicioněruje, w kotrejž kótwička je.
Zakładna linija: Jenož za zakótwjenje „Jako znamješko“ k dispoziciji, tute nastajenje objekt dźiwajo na tekstowu zakładnu liniju pozicioněruje, nad kotrejž so wšě znamješka placěruja.
Linka: Jenož za zakótwjenje „Jako znamješko“ k dispoziciji, tute nastajenje objekt dźiwajo na wysokosć linki pozicioněruje, w kotrejž kótwička je.
Cyły wobłuk: Jenož za zakótwjenje „Na wobłuku“ k dispoziciji, wonkowne kormy wobłuka.
Tekstowe polo wobłuka: Jenož za zakótwjenje „Na wobłuku“ k dispoziciji, tekstowe polo wobłuka.

Jeli objekt na wobłuku z njezměnitej wysokosću zakótwjeće, stej jenož nastajeni za wusměrjeni „Deleka“ a „Wosrjedźa“ k dispoziciji.

Tekst znutřka mjezow wobchować

Dźerži wubrany objekt znutřka wuhotowanskich mjezow teksta, z kotrymž je objekt zakótwjeny. Zo byšće wubrany objekt něhdźe w swojim dokumenće placěrował, njewuběrajće tute nastajenje.

Po standardźe je nastajenje Znutřka tekstowych mjezow dźeržeć wubrane, hdyž dokument wočinjeće, kotryž je so we wersiji Writer wutworił, kotraž je starša hač OpenOffice.org 2.0. Tute nastajenje wšak so njewuběra, hdyž dokument we formaće Microsoft Word (*.doc) wutworjeće abo wočinjeće.

Dowolić, wobłuk na strony rozdźělić

Zmóžnja, zo so wobłuk na přichodnej stronje pokročuje, hdyž so wobsah wobłuka hižo do aktualneje strony njehodźi. Wobsah wokoło wobłuka so na poslednjej stronje łama.

Po standardźe je nastajenje Dowolić, wobłuk na strony rozdźělić znjemóžnjene, hdyž tekstowy wobłuk we Writer wutworjeće. Tute nastajenje wšak je wubrane, hdyž dokument we formatach Microsoft Word wočinjeće, kotryž znošowace so tabele wobsahuje.

Polo přehlada

Pokazuje přehlad aktualneho wuběra.

Zeleny praworóžk wubrany objekt reprezentuje a čerwjeny praworóžk poćahowanski dypk za wusměrjenje reprezentuje. Jeli objekt jako znamješko zakótwjeće, so poćahowanski praworóžk do čerwjeneje linije přetwori.

Format – Zakótwjenje

Format – Tekst wusměrić