Nóžka

Podawa wuhotowanske nastajenja za nóžki, mjez nimi liniju, kotraž nóžki wot wobsaha dokumenta dźěli.

Přistup k tutomu přikazej …

Wubjerće Format - Předłoha strony… – rajtark: Nóžka.

Wubjerće Napohlad – Formatowe předłohi, wočińće kontekstowy meni a wubjerće Nowy… /Předłohu wobdźěłać – rajtark: Nóžka.

Wobłuk nóžkow

Nastajće wysokosć wobłuka nóžki.

Přiměrja awtomatisce wysokosć wobłuka nóžki wotwisujo wot ličby nóžkow.

Nastaja maksimalnu wysokosć za wobłuk nóžki. Zmóžńće tute nastajenje a zapodajće potom wysokosć.

Zapodajće maksimalnu wysokosć za wobłuk nóžki.

Zapodajće wulkosć wotstupa, kotraž so ma mjez delnjej kromu strony a prěnjej linku teksta we wobłuku nóžki wostajić.

Podawa poziciju a druhe kajkosće dźělenskeje linije.

Wubjerće horicontalne wusměrjenje za liniju, kotraž hłowny tekst wot wobłuka nóžki dźěli.

Wubjerće formatowu předłohu za dźělensku liniju. Jeli nochceće dźělensku liniju, wubjerće "Žadyn".

Wubjerće tołstosć dźělenskeje linije.

Wubjerće barbu dźělenskeje linije.

Zapodajće dołhosć dźělenskeje linije jako procentowu sadźbu wobłuka šěrokosće strony.

Zapodajće wotstup, kotryž so ma mjez dźělenskej liniju a prěnjej linku wobłuka nóžki wostajić.

Zo byšće wotstup mjez dwěmaj nóžkomaj podał, wubjerće Format – Wotstawk… a klikńće potom na rajtark Zasunjenja a wotstup