Rozrjad a lisćina

Přidawa rozrjadowansku runinu, lisćinowu předłohu a linkowe čisłowanje abo wotstronja je z wotstawka abo wotstawkoweje předłohi. Móžeće tež spočatnu ličbu za čisłowane lisćiny a linkowe čisłowanje znowa započeć abo změnić.

Přistup k tutomu přikazej …

Wubjerće Format – Wotstawk… – Rajtark: Rozrjad a lisćina

Klikńće z prawej tastu myški na wotstawk a wubjerće potom Wotstawk – Wotstawk… – Rajtark: Rozrjad a lisćina

Klikńće z prawej tastu myški na wotstawk a wubjerće potom Wotstawk – Předłohu wobdźěłać… – Rajtark: Rozrjad a lisćina

Wubjerće Předłohi – Předłohu wobdźěłać… – Rajtark: Rozrjad a lisćina (wotstawkowe předłohi).

Wubjerće Napohlad – Formatowe předłohi – wočińće kontekstowy meni předłohi a wubjerće potom Nowy… /Předłohu wobdźěłać…– rajtark: Rozrjad a lisćina (wotstawkowe předłohi).

Zo byšće čisłowanske nastajenja za wotstawki změnił, kotrež samsnu wotstawkowu předłohu wužiwaja, wubjerće Napohlad – Formatowe předłohi a klikńće potom na symbol Wotstawkowe předłohi. Klikńće z prawej tastu na předłohu w lisćinje, wubjerće Změnić… a klikńće potom na rajtark Rozrjad a lisćina.
Zo byšće čisłowanske nastajenja za wubrane wotstawki změnił, wubjerće Format – Wotstawk a klikńće potom na rajtark Rozrjad a lisćina.

Rozrjad

Rozrjadowanska runina

Připokazuje wubranym wotstawkam abo wotstawkowej předłoze rozrjadowansku runinu wot 1 do 10. Wubjerće [Žadyn], zo byšće rozrjadowansku runinu wotstronił.

Lisćinowu předłohu nałožić

Lisćinowa předłoha

Wubjerće lisćinowu předłohu, kotruž chceće na wotstawk nałožić. Tute předłohi so tež we woknje Předłohi () nalistuja, jeli na symbol Lisćinowe předłohi klikaće.

Předłohu wobdźěłać

Wobdźěłajće kajkosće wubraneje lisćinoweje předłohi. Tute kajkosće so na wšě wotstawki nałožuja, kotrež su z datej lisćinowej předłohu sformatěrowane.

Tute tłóčatko so znjemóžni, hdyž so nadpismowe čisłowanje nałožuje. Wubjerće Nastroje – Nadpismowe čisłowanje, zo byšće rozrjadowansku runinu a čisłowanski format wobdźěłał.

Rozrjadowanska runina a lisćinowa předłoha stej wot so njewotwisnej. Wužiwajće Nastroje – Nadpismowe čisłowanje, zo byšće wotstawkowym předłoham čisłowanski format připokazał, kotrež so jako nadpisma w rozrjadowanskej strukturje dokumenta wužiwaja.

Přichoden tři nastajenja so jenož jewja, hdyž Format – Wotstawk… wuběraće, zo byšće kajkosće wubraneho wotstawka wobdźěłał.

Čisłowanje pola tutoho wotstawka znowa započeć

Započina čisłowanje pola aktualneho wotstawka znowa.

Započeć z

Wubjerće tutón kontrolny kašćik a zapodajće potom čisło, kotrež chceće wotstawkej připokazać.

Wjerćite polo „Započeć z“

Zapodajće čisło, kotrež chceće wotstawkej připokazać. Slědowace wotstawki so běžnje wot tu zapodateho čisła čisłuja.

Čisłowanje linkow

Podajće nastajenja čisłowanje linkow. Zo byšće swojemu dokumentej linkowe čisła přidał, wubjerće Nastroje – Čisłowanje linkow….

Tutón wotstawk do čisłowanja linkow zapřijeć

Zapřijima aktualny wotstawk do čisłowanja linkow.

Pola tutoho wotstawka znowa započeć

Započina čisłowanje linkow pola aktualneho wotstawka abo pola čisła, kotrež zapodawaće, znowa.

Započeć z

Zapodajće čisło, pola kotrehož so ma čisłowanje linkow znowa započeć.

Wróćo stajić

Staja změny wróćo, kotrež su so w aktualnym rajtarku přewjedli, na te nastajenja, kotrež do toho we wočinjenym dialogu běchu.

Slědowace tłóčatka so jenož za wotstawkowu předłohu jewja.

Nałožić

Nałožuje změny na wšěch rajtarkach, bjeztoho zo by so dialog začinił. To njeda so z Wróćo stajić cofnyć.

Na nadrjadowanu předłohu wróćo stajić

Hódnoty za aktualny rajtark so na te stajeja, kotrež so we wotpowědnym rajtarku předłohu namakaja, kotraž je w „Zakład“w rajtarku Powšitkowne podata. We wšěch padach, tež hdyž „Zakład“ je „-Žadyn-“, so hódnoty aktualneho rajtarka we „Wobsahuje“ wotstronjeja.