Iniciale

Formatěruje prěni pismik wotstawku z wulkim pismikom, kotryž móže so po wjacorych linkach rozpřestrěwać. Wotstawk dyrbi so znajmjeńša po telko linkach rozpřestrěwać kaž w polu Linki podawaće.

Přistup k tutomu přikazej …

Wubjerće Format – Wotstawk… – Rajtark: Iniciale.

Wubjerće Napohlad – Formatowe předłohi, wočińće kontekstowy meni a wubjerće Nowy… /Předłohu wobdźěłać… – rajtark: Iniciale.

Nastajenja

Iniciale pokazać

Nałožuje nastajenja za iniciale na wubrany wotstawk.

Cyłe słowo

Pokazuje prěni pismik prěnjeho słowa we wotstawku jako inicial a zbytne pismiki słowa we wulkim ćišću.

Ličba znamješkow

Zapodajće ličbu znamješkow, kotrež so maja do inicialow přetworić.

Linki

Zapodajće ličbu linkow, po kotrychž so ma iniciala wot prěnjeje linki wotstawka dele rozpřestrěwać. Krótše wotstawki iniciale njebudu. Wuběr je na 2-9 linkow wobmjezowany.

Wotstup k tekstej

Zapodajće wulkosć wotstupa, kotryž so ma mjez inicialemi a zbytkom teksta we wotstawku wostajić.

Wobsah

Tekst

Zapodajće tekst, kotryž chceće město prěnich pismikow wotstawka jako iniciale pokazać.

Znamješkowa předłoha

Wubjerće formatowu předłohu, kotruž chceće na iniciale nałožić. Zo byšće formatowu předłohu aktualneho wotstawka wužiwał, wubjerće [Žadyn].

Polo přehlada

Pokazuje přehlad aktualneho wuběra.

Wróćo stajić

Staja změny wróćo, kotrež su so w aktualnym rajtarku přewjedli, na te nastajenja, kotrež do toho we wočinjenym dialogu běchu.