Tekstowy běh

Nastajenja za dźělenje złóžkow a łamanja strony postajić.

Dźělenje złóžkow

Podajće nastajenja dźělenja złóžkow za tekstowe dokumenty.

Awtomatisce

Zasadźuje awtomatisce dźělatka, hdźež su we wotstawku trěbne.

Znamješka na kóncu linki

Zapodajće minimalnu ličbu znamješkow, kotrež maja na kóncu linki wostać, prjedy hač so dźělatko zasadźuje.

Znamješka na spočatku linki

Zapodajće minimalnu ličbu znamješkow, kotrež so maja na spočatku linki zjewić, po tym zo sće dźělatko zasadźił.

Zestajene znamješkowe wobstatki na kóncu linki

Nastajće 3 (abo wjace) znamješka, zo byšće dźělenje złóžkow w danšćinje, nižozemšćinje, němčinje, madźaršćinje, norwegšćinje a šwedšćinje polěpšił, zo by so dźělenje złóžkow mjez wobstatkami zestajeneho słowa preferowało, město toho zo by so druhi (třeći atd.) wobstatk direktnje za jeho 2 znamješkomaj dźělił.

Maksimalne na so sćěhowace dźělene linki

Zapodajće maksimalnu ličbu na so sćěhowacych linkow, kotrež dadźa so dźělić.

Minimalna słowna dołhosć w znamješkach

Zapodajće minimalnu słownu dołhosć w znamješkach, kotraž da so dźělić.

Wobłuk dźělenja złóžkow

Zo byšće dźělenje złóžkow redukował, zapodajće dołhosć wobłuka dźělenja złóžkow. Město móžneho dźělenja złóžkow so linka mjez słowami łama, jeli zbytny horicontalny prózdny rum wobłuk dźělenja złóžkow njepřekročuje. Wobłuk dźělenja złóžkow k powjetšenym wotstupam mjez słowami w blokowej sadźbje wjedźe, a k wjetšemu wotstupej wot wotstawkowych kromow w teksće, kotryž w blokowej sadźbje njeje.

Słowa we WULKICH PISMIKACH dźělić

Słowa dźělić, kotrež su dospołnje we wulkich pismikach napisane, na přikład inicialne słowa.

Poslednje słowo dźělić

Dźěli poslednje słowo wotstawkow. Hdyž tutu funkciju znjemóžnjeće, so wutworjenje nimale prózdnych linkow zadźěwa, kotrež jenož poł słowa wobsahuja.

Strony přesahowace dźělenje złóžkow

Kontrolujće dźělenje złóžkow w poslednjej lince špalty, strony abo dwójneje strony a w poslednjej dospołnej lince wotstawka po wěstych typografiskich prawidłach, zo by so čitajomnosć polěpšiła.

Poslednja dospołna linka wotstawka

Znjemóžńće tutón kontrolny kašćik, zo byšće dźělenju poslednjeje linki wotstawka zadźěwał. Dźělene słowo so do přichodneje linki přesuwa, jeli je dosć ruma za to. Přez to budźe poslednja linka wotstawka dlěša a prózdny rum mjez wotstawkami so redukuje.

Špalta

Znjemóžńće tutón kontrolny kašćik, zo byšće dźělenju słowow přez špaltu, zwjazany wobłuk abo stronu zadźěwał. Dźělene słowo so do přichodneje špalty, wobłuka abo strony přesuwa.

Strona

Wotstrońće hóčku z kontrolneho kašćika, zo byšće tomu zadźěwał, zo so słowa přez stronu dźěla. Dźělene słowo so na přichodnu stronu přesunje.

Dwójna strona

Wotstrońće hóčku z kontrolneho kašćika, zo byšće tomu zadźěwał, zo so słowa přez dwójnu stronu dźěla. (Dwójna strona je sadźba dweju stronow, kotrejž čitar naraz widźi.) Dźělene słowo so na přichodnu dwójnu stronu přesunje.

Wotstawkowy kónčny wobłuk

Zo byšće wobłuk za dźělenje złóžkow za poslednju połnu linku wotstawkow nastajił, zapodajće jeho dołhosć. Jeli je na 0 stajeny, so wobłuk dźělenja złóžkow jako wotstawkowy kónčny wobłuk wužiwa.

Špaltowy kónčny wobłuk

Zo byšće wobłuk dźělenja złóžkow za poslednju linku špaltow nastajił, zapodajće jeho dołhosć. Špaltowy kónčny wobłuk čitajomnosć přez špaltu abo zwjazany tekstowy wobłuk polěpšuje. Jeli je na 0 stajeny, so wotstawkowy kónčny wobłuk jako špaltowy kónčny wobłuk wužiwa.

Kónčny wobłuk strony

Zo byšće wobłuk dźělenja złóžkow za poslednju linku stronow nastajił, zapodajće jeho dołhosć. Kónčny wobłuk strony čitajomnosć přez stronu polěpšuje. Jeli je na 0 stajeny, so špaltowy kónčny wobłuk jako kónčny wobłuk strony wužiwa.

Tabelowy kónčny wobłuk

Zo byšće wobłuk dźělenja złóžkow za poslednju linku tabelow nastajił, zapodajće jeho dołhosć. Tabelowy kónčny wobłuk čitajomnosć polěpšuje, hdyž stronu wobroćeće. Hdyž hódnotu wuběraće, kotraž je štyri króć tak wulka kaž pismowa wulkosć, so dźělenje złóžkow 7-8-pismikowych słowow abo krótšich zadźěwa. Zadźěwa tež łamanju dlěšich słowow pola prěnich 4-5 pismikow abo do toho. Jeli je na 0 stajeny, so kónčny wobłuk strony jako tabelowy kónčny wobłuk wužiwa.

Linku přesunyć

Wubjerće tutón kontrolny kašćik, zo byšće cyłu dźělenu linku do přichodneje špalty, strony abo dwójneje strony přesunył, město zo byšće jenož jeje poslednje dźělene słowo přesunył. Jenož poslednja linka so přesunje, hdyž su na so slědowace dźělene linki, t. r. tute nastajenje njegarantuje, zo so dźělenje złóžkow na kóncu špaltow abo stronow znjemóžnja.

Łamanja

Podajće łamanske nastajenja za strony abo špalty.

Zasadźić

Wubjerće tutón kontrolny kašćik a potom typ łamanja, kotryž chceće wužiwać.

Typ

Wubjerće typ łamanja, kotryž chceće zasadźić.

Pozicija

Wubjerće, hdźež chceće łamanje zasadźić.

Z předłohu strony

Wubjerće tutón kontrolny kašćik a potom předłohu strony, kotruž chceće za prěnju stronu za łamanjom wužiwać.

Předłoha strony

Wubjerće formatowu předłohu, kotruž chceće za prěnju stronu za łamanjom wužiwać.

Čisło strony

Zapodajće čisło strony za prěnju stronu, kotraž łamanju slěduje. Jeli chceće z čisłom aktualneje strony pokročować, wostajće kontrolny kašćik njemarkěrowany.

Nastajenja

Podajće nastajenja tekstoweho běha za wotstawki, kotrež so před a za łamanjom strony jewja.

Wotstawk njedźělić

Přesuwa cyły wotstawk do přichodneje strony abo špalty, po tym zo je so łamanje zasadźiło.

Z přichodnym wotstawkom hromadźe dźeržeć

Dźerži aktualny wotstawk a slědowacy wotstawk hromadźe, hdyž so łamanje abo změna špalty zasadźuje.

Syrotne prawidło

Podawa minimalnu ličbu linkow we wotstawku před łamanjom strony. Wubjerće tutón kontrolny kašćik a zapodajće potom ličbu do pola Linki. Jeli ličba linkow na kóncu strony je mjeńša hač ličba, kotraž je w polu Linki podata, so wotstawk do přichodneje strony přesuwa.

Wudowine prawidło

Podawa minimalnu ličbu linkow we wotstawku na prěnjej stronje za łamanjom. Wubjerće tutón kontrolny kašćik a zapodajće potom ličbu do pola Linki. Jeli ličba linkow horjeka na stronje je mjeńša hač ličba, kotraž je w polu Linki podata, so pozicija łamanja přiměrja.