Hłowowa linka
Přidawa abo wotstronja hłowowu linku z předłohi strony, kotruž w podmeniju wuběraće. Hłowowa linka so wšěm stronam přidawa, kotrež samsnu předłohu strony wužiwaja. W nowym dokumenće so jenož předłoha strony „Standard“ podawa. Druhe předłohi strony so lisćinje přidawaja, po tym zo sće je na dokument nałožił.
Hłowowe linki su jenož widźomne, hdyž sej dokument w ćišćerskim přehledźe (zmóžńće Napohlad – Normalny) wobhladujeće.
Před předłohami strony z hłowowymi linkami so hóčka pokazuje.
Zo byšće hłowowu linku wotstronił, wubjerće Zasadźić – Hłowowa a nohowa linka – Hłowowa linka a wubjerće potom předłohu strony, kotraž hłowowu linku wobsahuje. Hłowowa linka so ze wšěch stronow wotstroni, kotrež tutu předłohu strony wužiwaja.
Zo byšće hłowowe linki přidał abo ze wšěch předłohow strony wotstronił, kotrež so w dokumenće wužiwaja, wubjerće Zasadźić – Hłowowa a nohowa linka – Hłowowa linka – Wšě
Zo byšće hłowowu linku formatěrował, wubjerće Format – Předłoha strony… – rajtark: Hłowowa linka.