Datowu banku wuměnić

Změńće datowej žórła za aktualny dokument. Zo byšće wobsah zasadźenych polow korektnje pokazał, dyrbi wuměnjaca datowa banka identiske pólne mjena wobsahować.

Jeli na přikład adresowe pola z adresoweje datoweje banki do serijoweho lista zasadźujeće, móžeće potom datowu banku z druhej adresowej datowej banku wuměnić, zo byšće druhe adresy zasadźił.

Datowe banki wuměnić

Móžeće jenož jednu datowu banku naraz w tutym dialogu změnić.

Wužiwane datowe banki

Nalistuje datowe banki, kotrež so runje wužiwaja. Aktualny dokument znajmjeńša jedne datowe polo z kóždeje datowych bankow w lisćinje wobsahuje.

K dispoziciji stejace datowe banki

Nalistuje datowe banki, kotrež su w LibreOffice zregistrowane.

Přepytać

Wočinja dialog Wočinić, zo byšće dataju datoweje banki (*.odb) wubrał. Wubrana dataja so lisćinje k dispoziciji stejacych datowych bankow přidawa.

Definować

Wuměnja aktualne datowe žórło z datowym žórłom, kotrež sće w lisćinje k dispoziciji stejacych datowych bankow wubrał.

Datowu banku wuměnić:

Zawěsćće, zo wobě datowej bance identiske pólne mjena a pólne typy wobsahujetej.

1. Klikńće do dokumenta, za kotryž chceće datowe žórło změnić.

2. Wubjerće Wobdźěłać – Datowu banku wuměnić….

3. Wubjerće w lisćinje Wužiwane datowe banki tabelu datoweje banki, kotruž chceće wuměnić.

4. Wubjerće w lisćinje K dispoziciji stejace datowe banki wuměnjacu tabelu datoweje banki.

5. Klikńće na Definować.