Zapisk literarneho zapisa zasadźić
Zasadźuje pokaz literarneho zapisa.
Zapisk
Z literarneje datoweje banki
Zasadźuje pokaz z literarneje datoweje banki.
Z dokumentoweho wobsaha
Zasadźuje pokaz z literarnych datowych sadźbow, kotrež su so w aktualnym dokumenće składowali. Zapisk, kotryž je w dokumenće składowany, ma prioritu před zapiskom, kotryž so w literarnej datowej bance składuje.
Hdyž dokument składujeće, kotryž zapiski literarneho zapisa wobsahuje, so wotpowědne datowe sadźby awtomatisce w schowanym polu w dokumenće składuja.
Krótke mjeno
Wubjerće krótke mjeno literarneje datoweje sadźby, kotruž chceće zasadźić.
Awtor, titul
Jeli su k dispoziciji, so awtor a dospołny titul wubraneho krótkeho mjena w tutym wobłuku pokazujetej.
Zasadźić
Zasadźuje literarny pokaz do dokumenta. Jeli sće nowu datowu sadźbu wutworił, dyrbiće tež ju jako zapisk zasadźić, hewak so datowa sadźba zhubi, hdyž dokument začinjeće.
Začinić
Začinja dialog.
Nowy
Wočinja dialog Zapisk literarneho zapisa definować, hdźež móžeće nowu datowu sadźbu wutworić. Tuta datowa sadźba so jenož w dokumenće składuje. Zo byšće literarnej datowej bance datowu sadźbu přidał, wubjerće Nastroje – Datowa banka literatury.
Wobdźěłać
Wočinja dialog Zapisk literarneho zapisa definować, hdźež móžeće wubranu literarnu datowu sadźbu wobdźěłać.