Konkordancnu dataju wobdźěłać

Wutworće abo wobdźěłajće lisćinu słowow, kotrež so maja do hesłarja zapřijeć. Konkordancna dataja słowa nalistuje, na kotrež so maja w hesłarju wotkazować, hromadźe z čisłami stronow, na kotrychž so jewja.

Móžeće tłóčatko „Wšě pytać“ w dialogu „Pytać a wuměnić“ wužiwać, zo byšće wšě městna wuzběhnył, hdźež so słowo jewi, potom dialog Zapisowy zapisk zasadźić wočinić, zo byšće hesłarjej te słowo a městna přidał. Jeli wšak samsnu sadźbu hesłarjow we wjacorych dokumentach trjebaće, konkordancna dataja wam zmóžnja, kóžde słowo jenož jedyn raz zapodać a potom lisćinu wjelekróć wužiwać.

Standardny filter za wutworjenje abo wočinjenje konkordancnych datajow je *.sdi. Ale datajowy format konkordancneje dataje je luty tekst.

Přistup k dialogej Konkordancnu dataju wobdźěłać:

Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis – rajtark: Typ.
Wubjerće „Hesłar“ w polu Typ.
Wubjerće kontrolny kašćik Konkordancna dataja we wobłuku Nastajenja.
Klikńće na tłóčatko Dataja a wubjerće potom Nowy abo Wobdźěłać.

Konkordancna dataja slědowace pola wobsahuje:

Zapřijeće	Woznam
Pytanski wuraz	„Pytanski wuraz“ so na zapisowy zapisk poćahuje, kotryž chceće w dokumenće markěrować.
Alternatiwny zapisk	„Alternatiwny zapisk“ so na zapisowy zapisk poćahuje, kotryž so ma w zapisu zjewić.
1. a 2. kluč	1. a 2. kluč stej nadrjadowanej zapisowej zapiskaj. „Pytanski wuraz“ abo „Alternatiwny zapisk“ so jako podzapisk pod 1. a 2. klučom jewi.
Komentar	Přidajće nad zapiskom komentarowu linku. Skomentowane linki so z # započinaja.
Na wulkopisanje dźiwać	„Na wulkopisanje dźiwać“ woznamjenja, zo so po wulko- a małopisanju rozeznawa.
Cyłe słowa	„Cyłe słowa“ zapřijeće jako jednotliwe słowo pyta.

Zo byšće nastajenje „Na wulkopisanje dźiwać“ abo „Cyłe słowa“ zmóžnił, klikńće do wotpowědneje cele a wubjerće potom kontrolny kašćik.

Konkordancnu dataju bjez dialoga Konkordancnu dataju wobdźěłać wutworić:

Wužiwajće slědowace formatowe směrnicy, hdyž konkordancnu dataju wutworjeće:

Kóždy zapisk w konkordancnej dataji je na swójskej lince.
Skomentowane linki so z # započinaja.
Wužiwajće slědowacy format za zapiski:

pytanski wuraz; alternatiwny zapisk; 1. kluč; 2. kluč; na wulkopisanje dźiwać; cyłe słowa

Zapiskaj „Na wulkopisanje dźiwać“ a „Cyłe słowa“ so jako „Ně“ abo FALSE interpretujetej, jeli stej prózdnej abo nul (0). Kóždy druhi wobsah jako „Haj“ abo TRUE.

Přikład

Zo byšće na přikład słowo „Budyšin“ do swojeho hesłarja pod zapiskom „Města“ zapřijał, zapodajće slědowacu linku w konkordancnej dataji:

Budyšin;Budyšin;Města;;0;0

To tež „Budyšin“ namaka, jeli so z małymi pismikami pisa.

Zo byšće měšćanski dźěl „Hornja Kina“ w Budyšinje pod zapiskom „Města“ zapřijał, zapodajće slědowacu linku:

Hornja Kina;Budyšin;Města;