Zapiski (literarny zapis)

Podajće format za zapiski literarneho zapisa.

Přistup k tutomu přikazej …

Z menijoweje lajsty:

Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis – rajtark: Zapiski (hdyž Literarny zapis je wubrany typ)

Z powjercha z rajtarkami:

Wubjerće Referenca – Zapis wobsaha – rajtark: Zapiski (hdyž Literarny zapis je wubrany typ)

Wubjerće Zapis wobsaha, hesłar abo literarny zapis – rajtark: Zapiski w meniju Referenca rajtarka Referenca (hdyž Literarny zapis je wubrany typ).

Ze symbolowych lajstow:

Zapis wobsaha, rajtark: Zapiski (hdyž Literarny zapis je wubrany typ).

Typ

Typy, kotrež so pokazuja, wot rozdźělnych literarnych žórłow wotwisuja.

Struktura a formatěrowanje

Linka Struktura definuje, kak su zapiski w zapisu zestajene. Zo byšće napohlad zapiska změnił, móžeće kody abo tekst do prózdnych polow na tutej lince zapodać. Móžeće tež do prózdneho pola abo na kod kliknyć a potom na kodowe tłóčatko.

Zo byšće kod z linki Struktura zhašał, klikńće na kod a tłóčće potom tastu Entf na swojej tastaturje.
Zo byšće kod z linki Struktura wuměnił, klikńće na kod a potom na kodowe tłóčatko.

Zo byšće lince Struktura kod přidał, klikńće do prózdneho pola a potom na kodowe tłóčatko.

Tabulator (T)

Zasadźuje tabulator. Zo byšće tabulatorej nawodne dypki přidał, wubjerće znamješko w polu Pjelnjenske znamješko. Zo byšće poziciju tabulatora změnił, zapodajće hódnotu w polu Tabulatorowa pozicija abo wubjerće kontrolny kašćik Naprawo wusměrić.

Typ

Nalistuje k dispoziciji stejace zapiski literarneho zapisa. Zo byšće lince Struktura zapisk přidał, klikńće na zapisk, potom do prózdneho pola w lince Struktura a potom na Zasadźić. Wužiwajće dialog Zapisk literarneho zapisa definować, zo byšće nowe zapiski přidał.

Zasadźić

Přidawa lince Struktura referencny kod za wubrany zapisk literarneho zapisa. Wubjerće zapisk w lisćinje, klikńće do prózdneho pola a potom na tute tłóčatko.

Wotstronić

Wotstronja wubrany referencny kod ze linki Struktura.

Wšě

Nałožuje aktualne nastajenja na wšě runiny, bjeztoho zo by so dialog začinił.

Znamješkowa předłoha

Podajće znamješkowu předłohu za wubrany symbol w lince Struktura.

Wobdźěłać

Wočinja dialog, hdźež móžeće wubranu znamješkowu předłohu wobdźěłać.

Sortěrować po

Podajće sortěrowanske nastajenja za zapiski literarneho zapisa.

Dokumentowa pozicija

Sortěruje zapiski literarneho zapisa po poziciji jich pokazow w dokumenće. Wubjerće tute nastajenje, jeli chceće awtomatisce čisłowane pokazy wužiwać.

Wobsah

Sortěruje zapiski literarneho zapisa po wot was podatych sortěrowanskich klučach, na přikład po awtorje abo po lěće wozjewjenja.

Sortěrowanske kluče

1, 2 abo 3

Wubjerće zapisk, po kotrymž so maja zapiski literarneho zapisa sortěrować. Tute nastajenje je jenož k dispoziciji, jeli opciske tłóčatko Wobsah we wobłuku Sortěrować po wuběraće.

AZ

Sortěruje zapiski literarneho zapisa w postupowacym alfanumeriskim porjedźe.

ZA

Sortěruje zapiski literarneho zapisa w spadowacym alfanumeriskim porjedźe.