Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis… – Rajtark: Zapiski (hdyž alfabetiski hesłar je wubrany typ)
Runina
Wubjerće runinu, kotruž chceće definować.
Runina „J“ so na nadpisma z jednym pismikom poćahuje, kotrež zapisowe zapiski alfabetisce poddźěluja. Zo byšće tute nadpisma zmóžnił, wubjerće kontrolny kašćik Alfabetiske dźělatko we wobłuku Format.
Struktura a formatěrowanje
Linka Struktura definuje, kak su zapiski w zapisu zestajene. Zo byšće napohlad zapiska změnił, móžeće kody abo tekst do prózdnych polow na tutej lince zapodać. Móžeće tež do prózdneho pola abo na kod kliknyć a potom na kodowe tłóčatko.
Zo byšće kod z linki Struktura zhašał, klikńće na kod a tłóčće potom tastu Entf na swojej tastaturje.
Zo byšće kod z linki Struktura wuměnił, klikńće na kod a potom na kodowe tłóčatko.
Zo byšće lince Struktura kod přidał, klikńće do prózdneho pola a potom na kodowe tłóčatko.
Zapiskowy tekst (E)
Zasadźuje tekst wubraneho zapiska.
Tabulator (T)
Zasadźuje tabulator. Zo byšće tabulatorej nawodne dypki přidał, wubjerće znamješko w polu Pjelnjenske znamješko. Zo byšće poziciju tabulatora změnił, zapodajće hódnotu w polu Tabulatorowa pozicija abo wubjerće kontrolny kašćik Naprawo wusměrić.
Nadpismowe informacije (NI)
Zasadźuje nadpismowe informacije kaž nadpismowe čisło abo nadpismowy wobsah. Klikńće na symbol NI, zo byšće wubrał, kotre informacije maja so pokazać.
Čisło strony (#)
Zasadźuje čisło strony zapiska.
Wšě
Nałožuje aktualne nastajenja na wšě runiny, bjeztoho zo by so dialog začinił.
Znamješkowa předłoha
Podajće znamješkowu předłohu za wubrany symbol w lince Struktura.
Zapodajće wotstup, kotryž so ma mjez lěwej kromu strony a tabulatorom wostajić.
Naprawo wusměrić
Wusměrja tabulator na prawej kromje strony.
Přichodnej dwě nastajeni stej k dispoziciji, hdyž so symbol NI wuběra.
Nadpismowe informacije
Wubjerće nadpismowe informacije, kotrež so maja do zapisoweho zapiska zapřijeć.
Hač do runiny pokazać
Zapodajće maksimalnu ličbu runinow nadpismoweho čisła, kotrež so maja pokazać. Wubjerće na přikład „3“, zo byšće hač do třoch runinow pokazał. Jeli nadpismowe čisło ma mjenje hač tři runiny, so woprawdźite čisło pokaza.
Format
Znamješkowa předłoha za hłowne zapiski
Podajće formatowu předłohu za hłowne zapiski w hesłarju. Zo byšće zapisowy zapisk do hłowneho zapiska přetworił, klikńće před zapisowe polo w dokumenće a wubjerće potom Wobdźěłać – Zapisowy zapisk.
Alfabetiske dźělatko
Wužiwa spočatne pismiki alfabetisce zrjadowanych zapisowych zapiskow jako wotrězkowe nadpisma.
Přez komu dźěleny kluč
Rjaduje zapisowe zapiski na samsnej lince, dźělene přez komy.
Tabulatorowa pozicija relatiwna k zasunjenju wotstawkoweje předłohi
Pozicioněruje tabulator relatiwnje k hódnoće „Zasunjenje wotlěwa“, kotraž je we wotstawkowej předłoze na rajtarku Předłohi definowana. Hewak so tabulator relatiwnje k lěwej tekstowej kromje pozicioněruje.
