Slědowace nastajenja su k dispoziciji, hdyž literarny zapis jako zapisowy typ wuběraće.
Přistup k tutomu přikazej …
Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis… – Rajtark: Typ (hdyž literarny zapis je wubrany typ)
Typ a titul
Podajće typ a titul zapisa.
Titul
Zapodajće titul za wubrany zapis.
Typ
Wubjerće typ zapisa, kotryž chceće zasadźić abo wobdźěłać. Nastajenja, kotrež su k dispoziciji, wot zapisoweho typa wotwisuja, kotryž wuběraće. Jeli kursor je w zapisu, hdyž Zasadźić – Zapis wobsaha a hesłar – Zapis wobsaha, hesłar a literarny zapis… wuběraće, móžeće tón zapis wobdźěłać.
Přećiwo manuelnym změnam škitany
Zadźěwa tomu, zo so wobsah zapisa měnja. Manuelne změny, kotrež na zapisu přewjedźeće, so zhubjeja, hdyž so zapis aktualizuje. Jeli chceće z kursorom po škitanym wobłuku kulić, wubjerće LibreOffice – NastajenjaNastroje – Nastajenja… – LibreOffice Writer – Formatěrowanske pomocki a potom kontrolny kašćik Kursor zmóžnić we wotrězku Škitane wobłuki.
Formatěrowanje zapiskow
Zapiski čisłować
Čisłuje zapiski literarneho zapisa awtomatisce. Zo byšće sortěrowanske nastajenja za čisłowanje postajił, klikńće na rajtark Zapiski.
Spinki
Wubjerće spinki, kotrež so wužiwaja, zo bychu zapiski literarneho zapisa wobdali.
Sortěrować
Postaja nastajenja za sortěrowanje zapisowych zapiskow.
Rěč
Wubjerće rěčne prawidła, kotrež so maja wužiwać, zo bychu so zapisowe zapiski sortěrowali.
Klučowy typ
Wubjerće „numeriski“, hdyž chceće ličby po hódnoće sortěrować, na přikład w 1, 2, 12. Wubjerće „alfanumeriski“, hdyž chceće ličby po znamješkowym kodźe sortěrować, na přikład w 1, 12, 2.