Zapis

Slědowace nastajenja su k dispoziciji, hdyž hesłar jako zapisowy typ wuběraće.

Přistup k tutomu přikazej …

Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis… – Rajtark: Typ (hdyž alfabetiski hesłar je wubrany typ)

Typ a titul

Podajće typ a titul zapisa.

Titul

Zapodajće titul za wubrany zapis.

Typ

Wubjerće typ zapisa, kotryž chceće zasadźić abo wobdźěłać. Nastajenja, kotrež su k dispoziciji, wot zapisoweho typa wotwisuja, kotryž wuběraće. Jeli kursor je w zapisu, hdyž Zasadźić – Zapis wobsaha a hesłar – Zapis wobsaha, hesłar a literarny zapis… wuběraće, móžeće tón zapis wobdźěłać.

Přećiwo manuelnym změnam škitany

Zadźěwa tomu, zo so wobsah zapisa měnja. Manuelne změny, kotrež na zapisu přewjedźeće, so zhubjeja, hdyž so zapis aktualizuje. Jeli chceće z kursorom po škitanym wobłuku kulić, wubjerće – LibreOffice Writer – Formatěrowanske pomocki a potom kontrolny kašćik Kursor zmóžnić we wotrězku Škitane wobłuki.

Hesłar abo zapis wobsaha wutworić

Za

Wubjerće, hač so ma zapis za dokument abo za aktualny kapitl wutworić.

Nastajenja

Identiske zapiski zjednoćić

Wuměnja identiske zapisowe zapiski z jednotliwym zapiskom, kotryž čisła stronow nalistuje, hdźež zapisk w dokumenće wustupuje. Zapiski "Napohlad 10, Napohlad 43" na přikład so jako "Napohlad 10, 43" zjednoćejetej.

Identiske zapiski z s. abo ss. zjednoćić

Wuměnja identiske zapisowe zapiski, kotrež na direktnje jednej po druhej sćěhowacej stronach wustupuja z jednotliwym zapiskom, kotryž prěnje čisło strony z „s.“ abo „ss.“ nalistuje. Zapiskaj "Napohlad 10, Napohlad 11" so jako "Napohlad 10s. zjednoćujetej a "Napohlad 10, Napohlad 11, Napohlad 12 so jako "Napohlad10ss. zjednoćuja. Worpwadźity napohlad wot nastajenja narodneje šemy wotwisuje, ale da so z Sortěrować – Rěč přepisać.

Zjednoćić z –

Wuměnja identiske zapisowe zapiski, kotrež na jednej po druhej sćěhowacych stronach wustupuja z jednotliwym zapiskom a wobłukom strony, hdźež zapisk wustupuje. Zapiski "Napohlad 10, Napohlad 11, Napohlad 12" na přikład so jako "Napohlad 10-12" zjednoćuja.

Na wulkopisanje dźiwać

Rozeznawa mjez wulkimi a małymi pismikami w identiskich zapisowych zapiskach. Za aziske rěče wosebite wobchadźenje płaći. Jeli chceće, zo prěnje wustupowanje zapiska w dokumenće ma pisanje zapiska postajić, wubjerće Identiske zapiski zjednoćić.

Zo byšće sortěrowanje wjacorych runinow za aziske rěče wužiwał, wubjerće Na wulkopisanje dziwać. W sortěrowanju wjacorych runinow so wulkopisanja a diakritiske znamješka ignoruja a jenož jednore formy zapiski přirunuja. Jeli formy su identiske, so diakritiske znamješka formow přirunuja. Jeli formy su potom hišće identiske, so wulkopisanja formow kaž tež šěrokosće znamješkow a rozdźěle w japanskim Kana přirunuja.

Zapiski awtomatisce z wulkim pismikom

Pisa prěni pismik zapisoweho zapiska awtomatisce z wulkim pismikom.

Kluče jako separatne zapiski

Zasadźuje zapisowe kluče jako separatne zapisowe zapiski. Kluč so jako zapisowy zapisk najwyšeje runiny zasadźuje a zapiski, kotrež su klučej připokazane, jako zasunjene podzapiski.

Zo byšće zapisowy kluč definował, wubjerće dialog Zapisowy zapisk zasadźić.

Konkordancna dataja

Markěruje awtomatisce zapisowe zapiski z pomocu konkordancneje dataje – lisćina słowow, kotrež so maja do zapisa zapřijeć.

Dataja

Konkordancnu dataju wubrać, wutworić abo wobdźěłać.

Sortěrować

Postaja nastajenja za sortěrowanje zapisowych zapiskow.

Rěč

Wubjerće rěčne prawidła, kotrež so maja wužiwać, zo bychu so zapisowe zapiski sortěrowali.

Klučowy typ

Wubjerće „numeriski“, hdyž chceće ličby po hódnoće sortěrować, na přikład w 1, 2, 12. Wubjerće „alfanumeriski“, hdyž chceće ličby po znamješkowym kodźe sortěrować, na přikład w 1, 12, 2.