Zapis (zapis wobsaha)

Slědowace nastajenja su k dispoziciji, hdyž zapis wobsaha jako zapisowy typ wuběraće.

Přistup k tutomu přikazej …

Wubjerće Zasadźić – Zapis wobsaha a hesłar – Zapis wobsaha, hesłar abo literarny zapis… – Rajtark: Typ (hdyž zapis wobsaha je wubrany typ)

Typ a titul

Podajće typ a titul zapisa.

Titul

Zapodajće titul za wubrany zapis.

Typ

Wubjerće typ zapisa, kotryž chceće zasadźić abo wobdźěłać. Nastajenja, kotrež su k dispoziciji, wot zapisoweho typa wotwisuja, kotryž wuběraće. Jeli kursor je w zapisu, hdyž Zasadźić – Zapis wobsaha a hesłar – Zapis wobsaha, hesłar a literarny zapis… wuběraće, móžeće tón zapis wobdźěłać.

Přećiwo manuelnym změnam škitany

Zadźěwa tomu, zo so wobsah zapisa měnja. Manuelne změny, kotrež na zapisu přewjedźeće, so zhubjeja, hdyž so zapis aktualizuje. Jeli chceće z kursorom po škitanym wobłuku kulić, wubjerće – LibreOffice Writer – Formatěrowanske pomocki a potom kontrolny kašćik Kursor zmóžnić we wotrězku Škitane wobłuki.

Hesłar abo zapis wobsaha wutworić

Za

Wubjerće, hač so ma zapis za dokument abo za aktualny kapitl wutworić.

Zapřijeć hač do runiny

Podajće maksimalnu rozrjadowansku runinu za wotstawk, podatu w Wutworić z, kotraž so ma do zapisa zapřijeć.

Wutworić z

Wužiwajće tutón wobłuk, zo byšće podał, kotre informacije maja so do zapisa zapřijeć.

Nadpisma

Wutworja zapis z pomocu nadpismowych runinow. Kóždy wotstawk z nadpismowej runinu, kotraž je mjeńša abo runja nadpismowej runinje, kotraž je w Zapřijeć hač do podata, so do zapisa zapřijima.

Wotstawki, kotrež su z jednej předdefinowanych wotstawkowych předłohow („nadpismo 1-10“) sformatěrowane, maja rozrjadowansku runinu, kotraž ličbje we wotstawkowej předłoze wotpowěduje. Móžeće tež na rajtarku Rozrjad a lisćina dialoga Format – Wotstawk… Wotstawkam rozrjadowanske runiny připokazać.

LibreOffice zapiski zapisa wobsaha na zakładźe rozrjadowanskeje runiny wotstawkoweje předłohi a wotstawkoweho wobsaha wutworja. Jeli wotstawk je prózdny, njepřewozmje do zapisa wobsaha. Zo byšće wunuzował, zo so prózdny wotstawk w zapisu wobsaha nalistuje, zasadźće mjezotu abo škitanu mjezotu do wotstawka. Mjezoty, kotrež su so do tekstoweho pola Za rajtarka Čisłowanje w dialogu nadpismoweho čisłowanja zapodali, za tutón zaměr njefunguja, dokelž su dźěl wotstawkoweho čisłowanja, nic wotstawkoweho wobsaha.

Přidatne předłohi

Zapřijima wotstawki z wotstawkowymi předłohami, kotrež su w dialogu Předłohi připokazać jako zapisowe zapiski podate. Zo byšće wotstawkowe předłohi wubrał, klikńće na tłóčatko Předłohi připokazać naprawo pódla tutoho nastajenja.Připokazane wotstawkowe předłohi dyrbja rozrjadowansku runinu měć, kotraž je mjeńša hač hódnota abo runja hódnoće, kotraž je w Zapřijeć hač do runiny podata, zo bychu so do zapisa zapřijeli.

Wužiwajće „Přidatne předłohi“, zo byšće wotstawki do zapisa wobsaha z wotstawkowej předłohu „Nadpismo zapisa wobrazow“ abo „nadpismo literarneho zapisa“ zapřijał kaž tež kóždu druhu relewantnu wotstawkowu předłohu.

Předłohi připokazać

Wočinja dialog Předłohi připokazać, hdźež móžeće wotstawkowe předłohi wubrać, kotrež chceće do zapisa zapřijeć. Wubjerće požadanu zapisowu runinu, na kotrejž so ma předłoha w zapisu pokazać.

Zapisowe zapiski

Wubjerće tute nastajenje, zo byšće zapisowe zapiski, kotrež su z Zasadźić – Zapis wobsaha a hesłar – Zapisowy zapisk… do dokumenta zasadźene, do generowaneho zapisa zapřijał.

Zapis (swójski)