Wuměnjenja definować

Wuměnjenja su logiske wurazy, kotrež móžeće wužiwać, zo byšće pokazanje polow a wotrězkow w swojim dokumenće pokazał. Hačrunjež slědowace přikłady za pola płaća, nałožuja so tež na wotrězki.

Móžeće wuměnjenja za slědowace pólne typy definować:

1. Wuměnity tekst: Pokazuje tekst A, jeli wuměnjenje je spjelnjene abo tekst B, jeli wuměnjenje je njespjelnjene.

2. Schowany tekst: Schowa wobsah pola, jeli wuměnjenje je spjelnjene.

3. Schowany wotstawk: Schowa wotstawk, jeli wuměnjenje je spjelnjene.

4. Někajka datowa sadźba a přichodna datowa sadźba: Wodźi přistup k datowym sadźbam datoweje banki.

Najjednoriša móžnosć, zo byšće wuměnjenje definował, je direktne zapodawanje logiskeho wuraza do pola Wuměnjenje z pomocu slědowacych hódnotow:

WĚRNO	Wuměnjenje je přeco spjelnjene. Móžeće tež druhu hódnotu hač 0 jako tekst wuměnjenja zapodać.
WOPAK	Wuměnjenje je spjelnjene. Móžeće tež hódnotu 0 zapodać.

Jeli wuměnjenje definujeće, wužiwajće samsne elementy, zo byšće formlu definował, na přikład přirunanske operatory, matematiske a statistiske funkcije, ličbne formaty, wariable a konstanty.

Móžeće slědowace typy wariablow wužiwać, hdyž wuměnjenje definujeće:

1. Předdefinowane wariable LibreOffice, kotrež statistiku wo kajkosćach dokumentow wužiwaja

2. Swójske wariable, kotrež so z polom „Wariablu nastajić“ wutworjeja

3. Wariable na zakładźe wužiwarskich datow

4. Wariable na zakładźe wobsaha polow datoweje banki

Njemóžeće nutřkowne wariable kaž na přikład čisła strony abo kapitlow we wuměnjenskim wurazu wužiwać.

Wuměnjenja a wariable

Slědowace přikłady wariablu z mjenom „x“ wužiwaja:

x == 1 abo x EQ 1	Wuměnjenje je spjelnjene, jeli „x“ je runja 1.
x != 1 abo x NEQ 1	Wuměnjenje je spjelnjene, jeli „x“ runja 1 njeje.
sinx == 0	Wuměnjenje je spjelnjene, jeli „x“ je množina ličby Pi.

Zo byšće přirunanske operatory ze znamješkowymi rjećazkami wužiwał, dyrbja so operandy z dwójnymi pazorkami wobdać:

x == "ABC" abo x EQ "ABC"	Přepruwuje, hač wariabla „x“ znamješkowy rjećazk"ABC" wobsahuje (wěrno = wuměnjenje je spjelnjene) abo nic (wopak = wuměnjenje spjelnjene njeje).
x == "" abo x EQ "" abo !x abo NOT x	Přepruwuje, hač wariabla „x“ prózdny znamješkowy rjećazk wobsahuje.

Wužiwarske daty

Móžeće wužiwarske daty zapřijeć, hdyž wuměnjenja definujeće. Zo byšće swoje wužiwarske daty změnił, wubjerće – LibreOffice – Wužiwarske daty. Wužiwarske daty dyrbja so we formje znamješkowych rjećazkow zapodać. Móžeće wužiwarske daty z "==" (EQ), "!=" (NEQ) abo "!"(NOT) wotprašować.

Slědowaca tabela wariable wužiwarskich datow a jich woznamy nalistuje:

Wariabla	Woznam
user_firstname	Předmjeno
user_lastname	Swójbne mjeno
user_initials	Iniciale
user_company	Předewzaće
user_street	Hasa/Dróha
user_country	Kraj
user_zipcode	Póstowe wodźenske čisło
user_city	Město
user_title	Titul
user_position	Pozicija
user_tel_work	Słužbne telefonowe čisło
user_tel_home	Priwatne telefonowe čisło
user_fax	Faksowe čisło
user_email	E-mejlowa adresa
user_state	Stat (nic we wšěch wersijach LibreOffice)

Zo byšće na přikład wotstawk, tekst abo wotrězk před wužiwarjom z wěstymi inicialemi schował, na přikład „LM“, zapodajće wuměnjenje: user_initials=="LM".

Wuměnjenja a pola datoweje banki

Móžeće wuměnjenja za přistup k datowym bankam abo polam datoweje banki definować. Móžeće na přikład wobsah pola datoweje banki z wuměnjenja přepruwować abo pola datoweje banki w logiskich wurazach wužiwać. Slědowaca tabela někotre dalše přikłady nalistuje, kak so datowe banki we wuměnjenjach wužiwaja:

Přikład	Woznam
Datowa_banka.Tabela.Předewzaće Datowa_banka.Tabela. Předewzaće NEQ "" Datowa_banka.Tabela.Předewzaće !=""	Wuměnjenje je spjelnjene, jeli polo PŘEDEWZAĆE prózdne njeje. (W prěnim přikładźe operator trěbny njeje.)
!Datowa_banka.Tabela.Předewzaće NOT Datowa_banka.Tabela.Předewzaće Datowa_banka.Tabela.Předewzaće EQ "" Datowa_banka.Tabela.Předewzaće ==""	Wróći WĚRNO, jeli polo PŘEDEWZAĆE je prózdne.
Datowa_banka.Tabela.Předewzaće !="Sun" Datowa_banka.Tabela.Předewzaće NEQ "Sun"	Wróći WĚRNO, jeli aktualny zapisk w polu PŘEDEWZAĆE "Sun" njeje. (Wołak logiske NOT reprezentuje.)
Datowa_banka.Tabela.Předmjeno AND Datowa_banka.Tabela.Mjeno	Wróći WĚRNO, jeli datowa sadźba předmjeno a swójbne mjeno wobsahuje.

Jeli so na polo datoweje banki we wuměnjenju poćahujeće, wužiwajće formu Mjenodatowejebanki.Mjenotabele.Mjenopola. Jeli jedne z mjenow znamješko wobsahuje, kotrež je operator, na přikład minusowe znamješko (-), stajće mjeno do róžkatych spinkow, na přikład Mjenodatowejebanki.[Mjeno-tabele].Mjenopola. Njewužijće ženje mjezoty w pólnych mjenach.

Přikład: Prózdne polo datoweje banki schować

Chceće snano wuměnjenje wutworić, kotrež prózdne polo chowa, na přikład, jeli polo PŘEDEWZAĆE je prózdne za někotre datowe sadźby.

Wubjerće lisćinowy zapisk Schowany wotstawk a zapodajće slědowace wuměnjenje: Adresnik.Adresy.Předewzaće EQ ""

abo

NOT Adresnik.Adresy.Předewzaće

Jeli polo datoweje banki PŘEDEWZAĆE je prózdne, je wuměnjenje spjelnjene a wotstawk je schowany.

Přikłady za wuměnjenja w polach

Slědowace přikłady polo Wuměnity tekst wužiwaja, hačrunjež dadźa so na wšě pola nałožić, kotrež su z wuměnjenjom zwjazane. Syntaksa, kotraž so za wuměnjenja wužiwa, so tež za pola Schowany tekst, Schowany wotstawk, Někajka datowa sadźba abo Přichodna datowa sadźba wužiwa.

Wuměnity tekst na zakładźe ličby stronow pokazać:

1. Wubjerće Zasadźić – Polo – Dalše pola… a klikńće potom na rajtark Funkcije.

2. Klikńće w lisćinje Typ na „Wuměnity tekst“.

3. Zapodajće "page == 1" do pola Wuměnjenje.

4. Zapodajće „Je jenož jedna strona“ do pola Potom.

5. Zapodajće „Su wjacore strony“ do pola Abo.

6. Klikńće na Zasadźić a potom na Začinić.

Wuměnity tekst na zakładźe swójskeje wariable pokazać

1. Wubjerće Zasadźić – Polo – Dalše pola… a klikńće potom na rajtark Wariable.

2. Klikńće w lisćinje Typ na „Wariablu nastajić“.

3. Zapodajće „Dobytk“ do pola Mjeno.

4. Zapodajće „5000“ do pola Hódnota.

5. Klikńće na Zasadźić.

6. Klikńće na rajtark Funkcije a potom na „Wuměnity tekst“ w lisćinje Typ.

7. Zapodajće „Dobytk < 5000“ do pola Wuměnjenje.

8. Zapodajće „Cil docpěty njeje“ do pola Potom.

9. Zapodajće „Cil je docpěty“ do pola Abo.

10. Klikńće na Zasadźić.

Zo byšće wobsah wariable „Dobytk“ wobdźěłał, klikńće dwójce na wariablowe polo.

Wuměnity tekst na zakładźe wobsaha pola datoweje banki pokazać:

Prěni dźěl tutoho přikłada mjezotu mjez polomaj „Předmjeno“ a „Swójbne mjeno“ w dokumenće zasadźuje, a druhi dźěl tekst na zakładźe wobsaha pola zasadźuje. Tutón přikład sej wužaduje, zo žórło adresowych datow je z LibreOffice zregistrowane.

1. Wubjerće Zasadźić – Polo – Dalše pola… a klikńće potom na rajtark Datowa banka.

2. Klikńće w lisćinje Typ na „Pola serijoweho ćišća“.

3. Klikńće w polu Wuběr datoweje banki dwójce na adresnik, klikńće potom na „Předmjeno“ a potom na Zasadźić. Wospjetujće to za „Swójbne mjeno“.

4. Stajće w dokumenće kursor mjez dwě poli, tłóčće prózdnu tastu a wróćće so k dialogej Pola:

5. Klikńće na rajtark Funkcije a potom na „Wuměnity tekst“ w lisćinje Typ.

6. Zapodajće „Adresnik.adresy.předmjeno“ do pola Wuměnjenje.

7. Zapodajće mjezotu do pola Potom a wostajće polo Abo prózdne.

Móžeće nětko wuměnjenje wužiwać, zo byšće tekst zasadźił, kotryž na wobsahu pola Předmjeno bazuje.

1. Klikńće w dialogu Pola na rajtark Funkcije.

2. Klikńće w polu Typ na „Wuměnity tekst“.

3. Zapodajće Adresnik.adresy.předmjeno == "Michał" do pola Wuměnjenje.

4. Zapodajće "Luby" do pola Potom.

5. Zapodajće "Witaj" do pola Hewak.

6. Klikńće na Zasadźić.