Zapodawanske polo

Zasadźuje tekstowe polo, kotrež móžeće wočinić a wobdźěłać, hdyž na njo w dokumenće klikaće. Móžeće zapodawanske pola za tekst wužiwać abo wariabli nowu hódnotu připokazać.

Zo byšće wobsah zapodawanskeho pola w dokumenće změnił, klikńće na polo a wobdźěłajće potom tekst w delnim polu dialoga.

Referenca

Tute polo mjeno pokazuje, kotrež sće do pola Referenca na rajtarku Funkcije abo Wariable dialogaPola zapodał. Polo pod tym wobsah pola pokazuje.

Přichodny

Skoči k přichodnemu zapodawanskemu polu w dokumenće. Tute tłóčatko je jenož k dispoziciji, hdyž kursor direktnje před zapodawanskim polom pozicioněrujeće a potom Umsch (⇧)+Strg+F9 tłóčiće.