Datowa banka

Móžeće pola z někajkeje datoweje banki do swojeho dokumenta zasadźić, na přikład adresowe pola.

Přistup k tutomu přikazej …

Wubjerće Zasadźić – Polo – Dalše pola… – Rajtark: Datowa banka

Typ

Nalistuje pólne typy, kotrež su k dispoziciji.

Pólny typ	Woznam
Někajka datowa sadźba	Zasadźuje wobsah pola datoweje banki, kotrež w polu Čisło datoweje sadźby jako polo serijoweho ćišća podawaće, jeli Wuměnjenje, kotrež zapodawaće, je spjelnjene. Jenož datowe sadźby, kotrež su w napohledźe datoweho žórła z wjacorym wuběrom wubrane, so zapřijimaja. Móžeće tute polo wužiwać, zo byšće wjacore datowe sadźby do dokumenta zasadźił. Zasadźće prosće polo Někajka datowa sadźba před polemi serijoweho lista, kotrež wěstu datowu sadźbu wužiwaja.
Mjeno datoweje banki	Zasadźuje mjeno tabele datoweje banki, kotraž je we polu Wuběr datoweje banki wubrana. Polo „Mjeno datoweje banki“ je globalne polo, to rěka, jeli druhe mjeno datoweje banki do swojeho dokumenta zasadźujeće, so wobsah wšěch do toho pola „Mjeno datoweje banki“ aktualizuje.
Polo serijoweho ćišća	Zasadźuje mjeno pola datoweje banki jako zastupnik, zo byšće dokument serijoweho ćišća wutworić móhł. Pólny wobsah so awtomatisce zasadźi, hdyž serijowy list ćišćiće.
Přichodna datowa sadźba	Zasadźuje wobsah přichodneho pola serijoweho ćišća do wašeho dokumenta, jeli wuměnjenje, kotrež sće definował, je spjelnjene. Datowe sadźby, kotrež chceće zapřijeć, dyrbja w napohledźe datoweho žórła wubrane być. Móžeće polo „Přichodna datowa sadźba“ wužiwać, zo byšće wobsah na so slědowacych datowych sadźbow mjez polemi serijoweho ćišća w dokumenće zasadźił.
Čisło datoweje sadźby	Zasadźuje čisło wubraneje datoweje sadźby datoweje banki.

Slědowace pola dadźa so jenož zasadźić, jeli wotpowědny pólny typ je w lisćinje Typ wubrany.

Wuběr datoweje banki

Wubjerće tabelu datoweje banki abo wotprašowanje datoweje banki, na kotrejž so ma polo poćahować. Móžeće pola z wjacorych datowych bankow abo wotprašowanjow do dokumenta zapřijeć.

Wuměnjenje

Zapodajće tu kriterije za pola, kotrež su z wuměnjenjom zwjazane.

Jeli chceće, móžeće wuměnjenje připokazać, kotrež dyrbi spjelnjene być, prjedy hač so poli „Někajka datowa sadźba“ a „Přichodna sadźba“ zasadźujetej. Standardne wuměnjenje je „True“, to rěka, wuměnjenje je přeco wěrne, jeli tekst wuměnjenja njeměnjeće.

Čisło datoweje sadźby

Zapodajće čisło datoweje sadźby, kotruž chceće zasadźić, hdyž podate wuměnjenje je spjelnjene. Čisło datoweje sadźby aktualnemu wuběrej w napohledźe datoweho žórła wotpowěduje. Jeli na přikład poslednje 5 datowych sadźbow w datowej bance wuběraće, kotraž 10 datowych sadźbow wobsahuje, budźe čisło prěnjeje datoweje sadźby 1, nic 6.

Jeli so na pola w rozdźělnej datowej bance (abo w druhej tabeli abo w druhim wotprašowanju w samsnej datowej bance) poćahujeće, LibreOffice čisło datoweje sadźby relatiwnje k aktualnemu wuběrej postaja.

Format

Wubjerće format pola, kotrež chceće zasadźić. Tute nastajenje je za numeriske, logiske, datumowe a časowe pola k dispoziciji.

Z datoweje banki

Wužiwa format, kotryž je we wubranej datowej bance definowany.

Přepytać

Wočinja dialog Wočinić, hdźež móžeće dataju datoweje banki (*.odb) wubrać. Wubrana dataja so lisćinje za wuběr datowych bankow přida.

Swójski

Nałožuje format, kotryž w lisćinje swójskich formatow wuběraće.

Lisćina swójskich formatow

Nalistuje k dispoziciji stejace swójske formaty.

Serijowy list ćišćeć

Hdyž dokument ćišćiće, kotryž pola datoweje banki wobsahuje, so dialog was praša, hač chceće serijowy list ćišćeć. Jeli z „Haj“ wotmołwjeće, so dialog Serijowy ćišć wočinja, hdźež móžeće datowe sadźby datoweje banki wubrać, kotrež chceće ćišćeć.