Wariable

Wariablowe pola wam zmóžnjeja, wašemu dokumentej dynamiski wobsah přidać. Móžeće na přikład wariablu wužiwać, zo byšće čisłowanje stronow wróćo stajił.

Typ	Wopisanje
Wariablu nastajić	Definuje wariablu a jeje hódnotu. Móžeće hódnotu wariable změnić, hdyž před polo wariable klikaće a potom Wobdźěłać – Pola… wuběraće.
Wariablu pokazać	Zasadźuje aktualnu hódnotu wariable, na kotruž w lisćinje Wuběr klikaće.
DDE-polo	Zasadźuje DDE-zwjazanje do dokumenta, kotrež móžeće tak husto kaž móžno z připokazanym mjenom aktualizować.
Formlu zasadźić	Zasadźuje konstantnu ličbu abo wuslědk formle.
Zapodawanske polo	Zasadźuje nowu hódnotu za wariablu abo wužiwarske polo. Hódnota wariable w zapodawanskim polu je jenož wot tam płaćiwa, hdźež je so polo zasadźiło. Zo byšće hódnotu wariable pozdźišo w dokumenće změnił, zasadźće druhe zapodawanske polo ze samsnym mjenom, ale druhej hódnotu. Hódnota wužiwarskeho pola wšak so globalnje změni. Wariable so w polu Wuběr pokazuja. Hdyž na tłóčatko Zasadźić klikaće, so dialog Pola přepruwować zjewi, hdźež móžeće nowu hódnotu abo přidatny tekst jako přispomnjenku zapodać.
Čisłowy wobłuk	Zasadźuje awtomatiske čisłowanje za tabele, grafiki abo wobłuki.
Wariablu strony nastajić	Zasadźuje referencny dypk w dokumenće, za kotrymž so ličenje stronow znowa započina. Wubjerće „zapinjeny“, zo byšće referencny dypk zmóžnił a „wupinjeny“, zo byšće jón znjemóžnił. Móžeće tež wotchilenje zapodać, zo byšće z ličenjom stronow z druhim čisłom započał.
Wariablu strony pokazać	Pokazuje ličbu stronow wot referencneho dypka „Wariablu strony nastajić“ do tutoho pola.
Wužiwarske polo	Zasadźuje swójsku globalnu wariablu. Móžeće wužiwarske polo wužiwać, zo byšće wariablu za wuměnjenski přikaz definował. Hdyž wužiwarske polo měnjeće, so wšě instancy wariable w dokumenće aktualizuja.

Wubrać

Nalistuje k dispoziciji stejace pola za pólny typ, kotryž je w lisćinje Typ wubrany. Zo byšće polo zasadźił, klikńće na polo a potom na Zasadźić.

Zapodajće mjeno swójskeho pola, kotrež chceće wutworić.Tute nastajenje je za pólne typy „Wariablu nastajić“, „DDE-polo“, „Čisłowy wobłuk“ a „Wužiwarske polo“ k dispoziciji.

Definujće w lisćinje Format, hač so ma hódnota jako tekst abo ličba zasadźić.

W dokumenće HTML stej dwě přidatnej poli za pólny typ „Wariablu nastajić“ k dispoziciji: HTML_ON a HTML_OFF. Tekst, kotryž w polu Hódnota zapodawaće, so do wočinjaceje so znački HTML (<Value>) abo začinjaceje so znački (</Value>), hdyž so dataja jako dokument HTML składuje wotwisujo wot nastajenja, kotrež wuběraće.

DDE-přikaz

Tute nastajenje je jenož k dispoziciji, jeli so pólny typ „DDE-polo“ wuběra.

Formla

Tute nastajenje je jenož k dispoziciji, jeli pólny typ „Formlu zasadźić“ je wubrany.

Tute nastajenje je jenož k dispoziciji, jeli pólny typ „Wariablu strony nastajić“ je wubrany.

Njewidźomny

Chowa pólny wobsah w dokumenće. Polo so jako ćeńke šěre markěrowanje do dokumenta zasadźuje. Tute nastajenje je jenož za pólnej typaj „Wariablu nastajić“ a „Wužiwarske polo“ k dispoziciji.

Z nadpismowym čisłom

Wužiwajće tute nastajenje, zo byšće nadpismowe čisło před polom „čisłowy wobłuk“ pokazał. Nadpismowe čisło z nadpisma před městnom pola pochadźa.

Hač do runiny

Při typiskim wužiwanju nadpismow w dokumenće so wubrane čisło podawa, kelko runinow nadpismoweho čisła (započinajo wot 1) ma so pokazać. Wubrana hódnota maksimalnu ličbu runinow podawa, kotrež so maja pokazać. Woprawdźita ličba móže mjenje runinow měć. Jeli na přikład direktnje předchadźace nadpismowe čisło je 2.6 a 4 je wubrane, so jenož 2.6 pokaza. Jeli [Žadyn] je wubrany, so žane nadpismowe čisło njepokazuje.

Dźělatko

Podajće znamješko, kotrež so ma jako dźělatko mjez nadpismowym čisłom a pólnym čisłom wužiwać.

Nałožić

Přidawa lisćinje Wuběr swójske polo.

Zhašeć

Wotstronja swójske polo z lisćiny Wuběr. Móžeće jenož pola wotstronić, kotrež so w aktualnym dokumenće njewužiwaja. Zo byšće polo z lisćiny wotstronił, kotrež so w aktualnym dokumenće wužiwa, zhašejće najprjedy wšě instancy pola w dokumenće a wotstrońće jo z lisćiny.