Dokumentowe informacije

Pola dokumentowych informacijow informacije wo kajkosćach dokumenta wobsahuja, na přikład wutworjenski datum dokumenta. Zo byšće sej kajkosće dokumenta wobhladał, wubjerće Dataja – Kajkosće….

Přistup k tutomu přikazej …

Wubjerće Zasadźić – Polo – Dalše pola… – Rajtark: Dokumentowe informacije

Hdyž dokument HTML eksportujeće a importujeće, kotryž pola dokumentowych informacijow wobsahuje, so specialne formaty LibreOffice wužiwaja.

Typ

Nalistuje pólne typy, kotrež su k dispoziciji.

Typ	Woznam
Komentary	Zasadźuje komentary, kaž su na rajtarku Wopisanje dialoga Dataja – Kajkosće… zapodate.
Wutworjeny	Zasadźuje mjeno awtora a datum abo čas wutworjenja dokumenta.
Swójski	Zasadźuje wobsah kajkosćow na rajtarku Swójske kajkosće dialoga Dataja – Kajkosće…. (Pokazuje so jenož, jeli so swójske kajkosće přidawaja.)
Klučowe słowa	Zasadźuje klučowe słowa, kaž su w rajtarku Wopisanje dialoga Dataja – Kajkosće… zapodate.
Posledni ćišć	Zasadźuje mjeno awtora a datum abo čas poslednjeho ćišća.
Změnjeny	Zasadźuje mjeno awtora a datum abo čas poslednjeho składowanja.
Wersijowe čisło	Zasadźuje wersijowe čisło aktualneho dokumenta.
Tema	Zasadźuje temu, kaž je w rajtarku Wopisanje dialoga Dataja – Kajkosće… zapodata.
Titul	Zasadźuje titul, kaž je w rajtarku Wopisanje dialoga Dataja – Kajkosće… zapodaty.
Wobdźěłowanski čas dohromady	Zasadźuje wobdźěłanski čas dokumenta.

Slědowace pola dadźa so jenož zasadźić, jeli wotpowědny pólny typ je w lisćinje Typ wubrany.

Wubrać

Nalistuje, kotre informacije dadźa so za wubrany pólny typ zasadźić.

Za pólne typy „Wutworjeny, „Změnjeny“ a „Posledni ćišć“ móžeće awtora, datum a čas wotpowědneje operacije zasadźić.

Format

Jeli polo datum čas abo ličbu pokazuje, so potom Format wužiwa, zo by so napohlad datuma, časa abo ličby přiměrił. Zwučene formaty so we woknje Format pokazuja abo klikńće na „Přidatne formaty“, zo byšće swójski format definował.

Hdyž na „Přidatne formaty“ klikaće, so dialog Ličbu formatěrować wočini, hdźež móžeće swójski format definować.

Njezměnity wobsah

Zasadźuje polo jako statiski wobsah, t. r. polo njeda so aktualizować.

Pola z njezměnitym wobsahom so jenož wuhódnoćeja, hdyž nowy dokument z dokumentoweje předłohi wutworjeće, kotraž tajke polo wobsahuje. Datumowe polo z njezměnitym wobsahom datum zasadźuje, hdyž je so nowy dokument z dokumentoweje předłohi wutworił.