Funkcije

Wotwisujo wot pólneho typa, kotryž wuběraće, móžeće wěstym funkcijam wuměnjenja připokazać. Móžeće na přikład polo definować, kotrež makro wuwjedźe, hdyž na polo w dokumenće klikaće, abo wuměnjenje, kotrež, hdyž so spjelnja, polo schowa. Móžeće tež zastupowace pola definować, kotrež grafiki, tabele, wobłuki a druhe objekty do wašeho dokumenta zasadźuja, jeli trjeba.

Typ	Woznam
Wuměnity tekst	Zasadźuje tekst, jeli wěste wuměnjenje je spjelnjene. Zapodajće na přikład „sun eq 1“ do pola Wuměnjenje a tekst, kotryž chceće do pola Potom zasadźić, hdyž wariabla „sun“ je „1“ . Jeli chceće, móžeće tež tekst, kotryž chceće pokazać, hdyž tute wuměnjenje spjelnjene njeje, do pola Hewak zapodać. Zo byšće wariablu „sun“ definował, klikńće na rajtark Wariable, wubjerće „Wariablu nastajić“, zapodajće „sun“ do pola Mjeno a jeje hódnotu do pola Hódnota.
Zapodawanska lisćina	Zasadźuje tekstowe polo, kotrež jedyn zapisk z lisćiny pokazuje. Móžeće zapiski přidać, wobdźěłać a wotstronić a jich porjad w lisćinje změnić. Klikńće na polo Zapodawanska lisćina w swojim dokumenće abo tłóčće +Umsch (⇧)+F9, zo byšće dialog Zapisk wubrać pokazał.
Zapodawanske polo	Zasadźuje tekstowe polo, kotrež chceće přez kliknjenje na njo w dokumenće wočinił. Móžeće potom tekst změnić, kotryž so pokazuje.
Makro wuwjesć	Zasadźuje tekstowe polo, kotrež makro wuwjedźe, hdyž na polo w dokumenće klikaće. Zo byšće polu makro připokazał, klikńće na tłóčatko Makro.
Zastupowacy symbol	Zasadźuje zastupowace polo do dokumenta, na přikład za grafiku. Hdyž na zastupowace polo w dokumenće klikaće, dóstanjeće namołwu, zapisk zasadźić, kotryž faluje.
Schowany tekst	Zasadźuje tekstowe polo, kotrež je schowane, hdyž wuměnjenje, kotrež podawaće, je spjelnjene. Zo byšće tutu funkciju wužiwał, wubjerće – LibreOffice Writer – Napohlad a wuprózdńće kontrolny kašćik Schowany tekst.
Schowany wotstawk	Chowa wotstawk, hdyž podate wuměnjenje je spjelnjene. Zo byšće tutu funkciju wužiwał, wubjerće – LibreOffice Writer – Napohlad a wuprózdńće kontrolny kašćik Schowane wotstawki.
Znamješka kombinować	Kombinuje hač do 6 znamješkow, zo bychu so kaž jedne znamješko zadźerželi. Tuta funkcija je jenož k dispoziciji, hdyž so aziske pisma podpěruja.

Format

Za funkciske pola so formatowe polo jenož za pola typa zastupowaceho pola wužiwa. Tu format objekt postaja, za kotryž zastupowacy symbol płaći.

Wuměnjenje

Zapodajće tu kriterije za pola, kotrež su z wuměnjenjom zwjazane.

Potom, Hewak

Zapodajće tekst, kotryž so ma pokazać, hdyž wuměnjenje je spjelnjene, do pola Potom a tekst, kotryž so ma pokazać, hdyž wuměnjenje spjelnjene njeje, do pola Hewak.

Móžeće tež pola datoweje banki do polow Potom a Hewak z pomocu formata „mjeno_datoweje_banki.tabelowe_mjeno.pólne_mjeno“ zasadźić.

Pokaz

Zapodajće tekst, kotryž chceće w polu pokazać. Jeli zastupowace polo zasadźujeće, zapodajće tekst, kotryž chceće jako pokiw pomocy pokazać, hdyž je pokazowak myški nad polom.

Format

Wubjerće makro, kotrež chceće wuwjesć, hdyž na polo klikaće.

Mjeno makra

Pokazuje mjeno wubraneho makra.

Zastupowacy tekst

Zapodajće tekst, kotryž so ma w zastupowacym polu zjewić.

Schowany tekst

Zapodajće tekst, kotryž chceće schować, hdyž wuměnjenje je spjelnjene.

Znamješka

Zapodajće znamješka, kotrež chceće kombinować. Móžeće maksimalnje 6 znamješkow kombinować. Tute nastajenje je jenož k dispoziciji za pólny typ Znamješka kombinować.

Hódnota

Zapodajće hódnotu za wubrane polo.

Makro

Wočinja dialog Wuběr makrow, hdźež móžeće makro wubrać, kotrež so wuwjedźe, hdyž na wubrane polo w dokumenće klikaće. Tute tłóčatko je jenož za funkciske polo „Makro wuwjesć“ k dispoziciji.

Slědowace wodźenske elementy so za pola zapodawanskeje lisćiny pokazuja:

Zapisk

Zapodajće nowy zapisk.

Přidać

Přidawa lisćinje zapisk.

Lisćinowe zapiski

Nalistuje zapiski. Najwyši zapisk so w dokumenće pokazuje.

Wotstronić

Wotstronja wubrany zapisk z lisćiny.

Horje

Přesuwa wubrany zapisk w lisćinje horje.

Dele

Přesuwa wubrany zapisk w lisćinje dele.

Mjeno

Zapodajće jónkróćne mjeno za zapodawansku lisćinu.

Zapisk wubrać

Tutón dialog so pokazuje, hdyž na polo zapodawanskeje lisćiny w dokumenće klikaće.

Wubjerće zapisk, kotryž chceće w dokumenće pokazać a klikńće potom na W porjadku.

Wobdźěłać

Pokazuje dialog Pola wobdźěłać: Funkcije, hdźež móžeće zapodawansku lisćinu wobdźěłać.

Přichodny

Začinja aktualnu zapodawansku lisćinu a pokazuje přichodnu, jeli k dispoziciji. Widźiće tute tłóčatko, hdyž dialog Zapisk wubrać z +Umsch (⇧)+F9 wočinjeće.