Prěčne pokazy

Tu zasadźujeće prěčne pokazy do aktualneho dokumenta. Prěčne pokazy su wotkazowe pola w samsnym dokumenće abo w poddokumentach globalneho dokumenta.

Hdyž prěčny pokaz jako polo zasadźujeće, ma to lěpšinu, zo njetrjebaće pokazy manuelnje přiměrić, kóždy raz, hdyž dokument měnjeće. Aktualizujće prosće pola z F9 a prěčne pokazy so tež w dokumenće aktualizuja.

Přistup k tutomu přikazej …

Z menijoweje lajsty:

Wubjerće Zasadźić – Polo – Dalše pola… – Rajtark: Prěčne pokazy

Wubjerće Zasadźić – Prěčny pokaz…

Z powjercha z rajtarkami:

Wubjerće Zasadźić – Prěčny pokaz….

Wubjerće Referency – Prěčny pokaz….

Ze symbolowych lajstow:

Prěčny pokaz zasadźić

Z tastatury:

+ F2

Prěčne pokazy zasadźić

Typ

Nalistuje k dispoziciji stejace pólne typy. Zo byšće swojemu dokumentej polo přidał, klikńće na pólny typ, potom na polo we wuběranskej lisćinje a potom na Zasadźić. Slědowace pola su k dispoziciji:

Typ	Woznam
Pokaz nastajić	Nastajće cil za prěčny pokaz. Zapodajće pod Mjeno mjeni za prěčny pokaz. Hdyž prěčny pokaz zasadźujeće, so mjeno jako identifikacija w lisćinowym polu Wuběr zjewi. Prěčne pokazy, kotrež so na tute wašnje zapodawaja, so w dokumenće HTML ignoruja. Za cil w dokumentach HTML dyrbiće zapołožku zasadźić.
Pokaz zasadźić	Zasadźi prěčny pokaz do druheje pozicije w dokumenće. Wotpowědna tekstowa pozicija dyrbi so najprjedy z „Pokaz nastajić“ definować. Hewak zasadźowanje prěčneho pokaza móžne njeje, hdyž pod Wuběr pólne mjeno wuběraće. W globalnych dokumentach móžeće tež wot jednoho poddokumenta do druheho wotkazować. Dźiwajće na to, zo so mjeno pokaza we wuběranskim polu njezjewi a dyrbi so „z ruku“ zapodać. W dokumentach HTML so referencne pola, kotrež su so na tute wašnje zapodali, ignoruja. Za prěčne pokazy w dokumentach HTML dyrbiće hyperwotkaz zasadźić.
Nadpisma	Polo Wuběr lisćinu wšěch nadpismow po porjedźe jich napohlada w dokumenće pokazuje.
Čisłowane wotstawki	Polo Wuběr lisćinu wšěch čisłowanych wotstawkow porjedźe jich napohlada w dokumenće pokazuje. Lisćina wobsahuje: wotstawki z wotstawkowej předłohu, kotrymž je so čisłowanska šema w dialogu Nastroje – Nadpismowe čisłowanje… připokazała. zrjadowane lisćinowe wotstawki, formatěrowane ze symbolowej lajstu Formatěrowanje abo dialogom Naličenja a čisłowanje wotstawki, kotrež su z předłohu čisłowaneje lisćiny formatěrowane wotstawki, kotrež su z wotstawkowej předłohu z předłohu čisłowaneje lisćiny formatěrowane, kotraž so w rajtarku Rozrjad a lisćina nałožuje.
Zapołožki	Po zasadźowanju zapołožki w dokumenće z Zasadźić – Zapołožka budźe zapisk zapołožkow w rajtarku Prěčne pokazy wužiwajomny. Zapołožki so wužiwaja, zo bychu wěste tekstowe pasaže w dokumenće markěrowali. W tekstowym dokumenće móžeće zapołožki wužiwać, na přikład, zo byšće wot jedneje pasaže w dokumenće do druheje skočił. W dokumenće HTML budu tute zapołožki kótwički <A name>, kotrež na přikład cil hyperwotkazow postajeja.
Nóžki	Jeli waše dokumenty nóžku wobsahuja, móžeće zapisk Nóžki wubrać. Pokaz k nóžce čisło nóžki wróći.
(Zasadźene objekty z popisami)	Móžeće pokazy na objekty stajić, kotrež su popisane. Zasadźće na přikład wobraz, klikńće z prawej tastu na wobraz a wubjerće popis. Nětko so objekt jako čisłowane „zwobraznjenje“ w lisćinje pokaza.

Pokazy su pola. Zo byšće pokaz wotstronił, zhašejće polo. Jeli dlěši tekst jako pokaz nastajił a nochceće jón znowa zapodać, po tym zo sće pokaz zhašał, wubjerće tekst a kopěrujće jón do mjezyskłada. Móžeće jón potom z pomocu přikaza Wobdźěłać – Wobsah zasadźić… jako „njeformatěrowany tekst“ na samsnej poziciji zasadźić. Tekst so zachowa, mjeztym so pokaz zhaša.

Wuběr

Nalistuje k dispoziciji stejace pola za pólny typ, kotryž je w lisćinje Typ wubrany. Zo byšće polo zasadźił, klikńće na polo, wubjerće format w lisćinje „Pokaz wužiwać“ a klikńće potom na Zasadźić.

Zo byšće polo z lisćiny spěšnje zasadźił, dźeržće tastu stłóčenu a klikńće dwójce na polo.

Pokaz wužiwać

Wubjerće format, kotryž chceće za wubrany prěčny pokaz wužiwać. Slědowace formaty su k dispoziciji:

Format	Woznam
Čisło strony (bjez předłohi)	Zasadźuje čisło strony, kotraž pokazowy cil wobsahuje.
Kapitl	Zasadźuje nadpismowe čisło abo lisćinowe čisło pokazoweho cila.
Wotkazowacy tekst	Zasadźuje dospołny tekst pokazoweho cila. Za nóžki so čisło nóžki zasadźuje. Za popisy so dospołny popis (kategorija, čisło a tekst) zasadźuje.
„Nad“/„Pod“	Zasadźuje „nad“ abo „pod“ wotwisujo wot městna pokazoweho cila relatiwnje k poziciji prěčneho pokaza.
Čisło strony (z předłohu)	Zasadźuje z pomocu formata, kotryž je w předłoze strony podaty, čisło strony, kotraž pokazowy cil wobsahuje.
Čisło	Zasadźuje čisło nadpisma abo čisłowaneho wotstawka, inkluziwnje nadrjadowane runiny wotwisujo wot konteksta. Hlejće přispomnjenku pod tutej tabelu za dalše informacije.
Čisło (bjez konteksta)	Zasadźuje jenož čisło nadpisma abo čisłowaneho wotstawka.
Čisło (połny kontekst)	Zasadźuje čisło nadpisma abo čisłowaneho wotstawka inkluziwnje wšě nadrjadowane runiny.
Kategorija a čisło	Zasadźuje kategoriju a čisło popisa (abo wariablowe mjeno a wariablowu hódnotu čisłoweho wobłuka). Tekst mjez kategoriju a čisłom (abo wariablowym mjeno a wariablowej hódnotu) so tež zasadźi. Tute nastajenje je za wšě wariable čisłoweho wobłuka k dispoziciji inkluziwnje čisła popisow.
Tekst popisa	Zasadźuje wšón tekst, kotryž kategoriji a čisłu popisa slěduje, hač do kónca wotstawka. Tute nastajenje je za wšě wariable čisłoweho wobłuka k dispoziciji inkluziwnje čisła popisow.
Čisło	Zasadźuje čisło popisa (abo hódnotu čisłoweho wobłuka). Tute nastajenje je za wšě wariable čisłoweho wobłuka k dispoziciji inkluziwnje čisła popisow.

Za formaty „Kapitl“, „Čisło (bjez konteksta)“ a „Čisło (dospołny kontekst)“ ličba podruninow, kotrež so za wubrany format pokazuja, wot nastajenja Podruniny pokazać za relewantne rozrjadowanske w Nastroje – Nadpismowe čisłowanje… wotwisuje.

Mjeno

Zapodajće mjeno swójskeho pola, kotrež chceće wutworić. Zo byšće cil nastajił, klikńće na „Pokaz nastajić“ w lisćinje Typ, zapodajće mjeno do tutoho pola a klikńće potom na Zasadźić. Zo byšće na nowy cil wotkazał, klikńće na mjeno cila w lisćinje Wuběr.

W globalnym dokumenće so cile, kotrež su w rozdźělnych poddokumentach, w lisćinje Wuběr njepokazuja. Jeli chceće pokaz na cil zasadźić, dyrbiće šćežku a mjeno w polu Mjeno zapodać.

Hódnota

Zapodajće wobsah, kotryž chceće swójskemu polu přidać.

Jeli tekst w dokumenće wuběraće a potom pokaz zasadźujeće, budźe wubrany tekst wobsah pola, kotrež zasadźujeće.