Dokument

Pola so wužiwaja, zo bychu informacije wo aktualnym dokumenće zasadźili, na přikład datajowe mjeno, dokumentowu předłohu, statistiske podaća, wužiwarske daty, datum a čas.

Zo byšće polo do swojeho dokumenta zasadźił, wubjerće najprjedy polo Typ a klikńće potom do lisćiny Wubrać, zo byšće informaciski zapisk wubrał, kotryž so ma zasadźić a klikńće potom na Zasadźić.

Typ

Nalistuje pólne typy, kotrež su k dispoziciji.

Wubrać

Nalistuje, kotre informacije dadźa so za wubrany pólny typ zasadźić.

Pólne typy a wuběranske lisćiny, kotrež su k dispoziciji.

Typ	Wuběranska lisćina
Awtor	Mjeno abo iniciale aktualneho wužiwarja (kaž w – LibreOffice – Wužiwarske daty) zapodate.
Datum	Zasadźuje aktualny datum. Móžeće datum jako njezměnite polo zasadźić – Datum (njezměnity) – kotrež so njeměnja abo jako dynamiske polo – Datum –, kotrež so awtomatisce aktualizuje. Zo byšće polo Datum manuelnje aktualizował, tłóčće F9.
Datajowe mjeno	Zasadźuje datajowe mjeno a/abo zapisowu šćežku aktualneho dokumenta kaž tež datajowe mjeno bjez kóncowki.
Nadpismo	Pokazuje nadpismowe čisło a/abo nadpismowy wobsah nadpisma před zasadźenym polom.
Strona	Zasadźuje čisło strony aktualneje, předchadneje abo přichodneje strony.
Wotstawkowa signatura	Zasadźuje polo metadatow z digitalnej signaturu za wotstawk. Dyrbiće digitalny certifikat měć, zo byšće wotstawk signował.
Wotpósłar	Zasadźuje polo, kotrež wužiwarske daty wobsahuje. Móžeće wužiwarske daty změnić, kotrež so pokazuja, hdyž – LibreOffice – Wužiwarske daty wuběraće.
Statistika	Zasadźuje dokumentowu statistiku jako polo, na přikład ličbu stronow a słowow. Zo byšće statistiku dokumenta pokazał, wubjerće Dataja – Kajkosće… a klikńće potom na rajtark Statistika.
Dokumentowe předłohi	Zasadźuje datajowe mjeno, datajowe mjeno bjez datajoweje kóncowki, šćežku abo šćežku a datajowe mjeno aktualneje dokumentoweje předłohi. Móžeće tež mjeno dokumentoweje předłohi a kategoriju aktualneje dokumentoweje předłohi zasadźić.
Čas	Zasadźuje aktualny čas. Móžeće čas jako njezměnite polo zasadźić – Čas (njezměnity) –, kotrež so njeměnja abo jako dynamiske polo – Čas –, kotrež so awtomatisce aktualizuje. Zo byšće polo Čas manuelnje aktualizował, tłóčće F9.

Format

Jeli polo datum čas abo ličbu pokazuje, so potom Format wužiwa, zo by so napohlad datuma, časa abo ličby přiměrił. Zwučene formaty so we woknje Format pokazuja abo klikńće na „Přidatne formaty“, zo byšće swójski format definował.

Hdyž na „Přidatne formaty“ klikaće, so dialog Ličbu formatěrować wočini, hdźež móžeće swójski format definować.

Wubjerće za typ Nadpismo format Nadpismowe čisło, zo byšće nadpismowe čisło z dźělatkom pokazał, kotrež je w Nastroje – Nadpismowe čisłowanje… podate.

Wubjerće Nadpismowe čisło bjez dźělatka, zo byšće nadpismowe čisło bjez dźělatka pokazał.

Jeli wubrane nadpismo njeje čisłowane, polo prózdne wostawa.

Hač do runiny

Wužiwajće tute nastajenje z typom Nadpismo, zo byšće podał, kotre nadpismo ma so pokazać. Pokazane nadpismo je prěnje před polom, kotrehož rozrjadowanska runina je jenaka kaž podata hódnota abo mjeńša hač podata hódnota.

Wotchilenje

Zapodajće wotchilensku hódnotu, kotruž chceće na polo ličby strony nałožić, na přikład „+1“.

Z nastajenjom Wotchilenje hódnoty 1 polo čisło pokazuje, kotrež je wo 1 powyšene aktualne čisło strony, ale jenož, jeli strona z tym čisłom eksistuje. Na poslednjej stronje dokumenta je samsne polo prózdne.

Wotchilenje w dnjach/mjeńšinach

Zapodajće wotchilenje, kotrež chceće na datumowe abo časowe polo nałožić.