Pola so wužiwaja, zo bychu informacije wo aktualnym dokumenće zasadźili, na přikład datajowe mjeno, dokumentowu předłohu, statistiske podaća, wužiwarske daty, datum a čas.
Tu zasadźujeće prěčne pokazy do aktualneho dokumenta. Prěčne pokazy su referencne pola w samsnym dokumenće abo w poddokumentach globalneho dokumenta.
Hdyž prěčny pokaz jako polo zasadźujeće, ma to lěpšinu, zo njetrjebaće pokazy manuelnje přiměrić, kóždy raz, hdyž dokument měnjeće. Aktualizujće prosće pola z F9 a prěčne pokazy so tež w dokumenće aktualizuja.
Wotwisujo wot pólneho typa, kotryž wuběraće, móžeće wěstym funkcijam wuměnjenja připokazać. Móžeće na přikład polo definować, kotrež makro wuwjedźe, hdyž na polo w dokumenće klikaće, abo wuměnjenje, kotrež, hdyž so spjelnja, polo schowa. Móžeće tež zastupowace pola definować, kotrež grafiki, tabele, wobłuki a druhe objekty do wašeho dokumenta zasadźuja, jeli trjeba.
Pola dokumentowych informacijow informacije wo kajkosćach dokumenta wobsahuja, na přikład wutworjenski datum dokumenta. Zo byšće sej kajkosće dokumenta wobhladał, wubjerće Dataja – Kajkosće….
