Wobalka

Zapodajće adresu přijimarja a adresu wotpósłarja za wobalku. Móžeće tež adresowe pola z datoweje banki zasadźić, na přikład z datoweje banki adresow.

Přijimar

Zapodajće adresu přijimarja. Móžeće tež do tutoho pola kliknyć a datowu banku, tabelu a polo wubrać a potom na šipowe tłóčatko kliknyć, zo byšće polo do adresy zasadźił. Jeli chceće, móžeće formatěrowanje, na přikład tučny a podšmórnjeny, na adresowy tekst nałožić.

Wotpósłar

Zasadźuje adresu wotpósłarja do wobalki. Wubjerće kontrolny kašćik Wotpósłar a zapodajće potom adresu wotpósłarja. LibreOffice waše wužiwarske daty do pola Wotpósłar awtomatisce zasadźuje, ale móžeće tež swójske daty zapodać.

Datowa banka

Wubjerće datowu banku, kotraž adresowe daty wobsahuje, kotrež chceće zasadźić.

Tabela

Wubjerće tabelu datoweje banki, kotraž adresowe daty wobsahuje, kotrež chceće zasadźić.

Polo datoweje banki

Wubjerće polo datoweje banki, kotrež adresowe daty wobsahuje, kotrež chceće zasadźić a klikńće potom na šipk dolěwa. Daty so adresowemu polu přidawaja, w kotrymž kursor je.