Popis

Přidawa čisłowany popis za wubrany wobraz, tabelu, diagram, ramik abo twar. Móžeće tež z prawej tastu na zapisk kliknyć, kotremuž chceće popis přidać, zo byšće přistup k tutomu přikazej měł.

Popis

Zapodajće tekst, kotryž so ma za kategoriju a čisłom popisa jewić.

Kajkosće

Postajće nastajenja popisa za aktualny wuběr.

Kategorija

Wubjerće kategoriju popisa abo zapodajće mjeno, zo byšće nowu kategoriju wutworił. Tekst kategorije so před abo za čisłom popisa zjewi, wotwisujo wot nastajenja Porjad popisow w Nastajenja…. Popisy z předdefinowanej kategoriju popisa so z wotstawkowej předłohu formatěruja, kotraž je samsne mjeno kaž kategorija. Na přikład so popisy, kotrež maja kategoriju „Zwobraznjenje“, z wotstawkowej předłohu „Zwobraznjenje“ formatěruja.

Čisłowanje

Wubjerće typ čisłowanja, kotryž chceće w popisu wužiwać. Wuběr so tež na předchadne popisy w kategoriji nałožuje.

Za čisłom

Zapodajće na přeće tekstowe znamješka, kotrež so maja mjez čisłowanjom a kategoriju jewić. Jenož aktiwne, hdyž je Čisłowanje jako prěnje za Porjad popisow w Nastajenja… wubrane.

Před popisom

Zapodajće na přeće tekstowe znamješka, kotrež so maja za kategoriju a čisłom popisa a před tekstom popisa jewić. Tute znamješka so njezasadźuja, jeli tekst popisa podaty njeje.

Pozicija

Přidawa popis nad abo pod wubranym zapiskom. Tute nastajenje je jenož za někotre objekty k dispoziciji.

Nastajenja…

Wočinja dialog Nastajenja, hdźež móžeće napohlad popisa přiměrić. Móžeće čisłu popisa nadpismowe čisło přidać, kategoriji a čisłu popisa znamješkowu předłohu a porjad kategorije a čisła popisow wubrać.

Awtomatiski popis

Wočinja dialog Awtomatiski popis. To je samsny dialog, kotryž přez Nastroje – Nastajenja… – LibreOffice Writer – Awtomatiski popis. Změny na tutym dialogu zasadźeny popis za aktualny wuběr njewobwliwuja.