Zapołožku zasadźić

Zasadźuje zapołožku na poziciji kursora. Móžeće potomm Nawigator wužiwać, zo byšće pozdźišo spěšnje k markěrowanemu městnu skočił. W dokumenće HTML so zapołožki do kótwičkow přetworjeja, ke kotrymž móžeće wot hyperwotkaza skočić.

Přistup k tutomu přikazej …

Z menijoweje lajsty:

Wubjerće Zasadźić – Zapołožka…

Z powjercha z rajtarkami:

Wubjerće Zasadźić – Zapołožka

Ze symbolowych lajstow:

Zapołožku zasadźić

Zo byšće k wěstej zapołožce skočił, tłóčće F5, zo byšće Nawigator wočinił, klikńće na plusowe znamješko (+) pódla zapiska Zapołožki a klikńće potom dwójce na zapołožku.

Mjeno

Zapodajće mjeno zapołožki, kotruž chceće wutworić. Klikńće potom na Zasadźić.

Njemóžeće slědowace znamješka w mjeno zapołožki wužiwać: / \ @ : * ? " ; , . #

Zapołožki

Nalistuje wšě zapołožki w aktualnym dokumenće.

Přemjenować

Zo byšće zapołožku přemjenował, wubjerće zapołožku, klikńće na Přemjenować a zapodajće potom nowe mjeno do dialogoweho pola.

Zhašeć

Zo byšće zapołožku zhašał, wubjerće zapołožku a klikńće na tłóčatko Zhašeć. Wobkrućenski dialog so njezjewi.

Jeli zapołožki su škitane, njedadźa so zhašeć abo přemjenować.

Dźiće k

Zo byšće kursor w dokumenće k zapołožce pohibował, wubjerće zapołožku a klikńće potom na Dźiće k.

Začinić

Začinja dialog.