Nóžka/Kónčna nóžka

Zasadźuje nóžku abo kónčnu nóžku w dokumenće. Kótwička za nóžku so na aktualnej poziciji kursora zasadźuje. Móžeće mjez awtomatiskim čisłowanjom abo swójskim symbolom wubrać.

Slědowace informacije so na nóžki kaž tež kónčne nóžki poćahuja.

Nóžki so na kóncu strony zasadźuja a kónčne nóžki na kóncu dokumenta.

Přistup k tutomu přikazej …

Z menijoweje lajsty:

Wubjerće Zasadźić – Nóžka a kónčna nóžka – Wosebitu nóžku abo kónčnu nóžku zasadźić

Z kontekstoweho menija:

Wubjerće Nóžka/Kónčna nóžka (ze zasadźenej nóžku/kónčnej nóžku)

Z powjercha z rajtarkami:

Wubjerće Referenca – Nóžka.

Wubjerće Referenca – Kónčna nóžka.

Ze symbolowych lajstow:

Nóžku direktnje zasadźić

Kónčnu nóžku direktnje zasadźić

Čisłowanje

Wubjerće typ čisłowanja, kotryž chceće za nóžki a kónčne nóžki wužiwać.

Awtomatisce

Připokazuje awtomatisce nóžkam abo kónčnym nóžkam, kotrež zasadźujeće, běžne čisła. Zo byšće nastajenja za awtomatiske čisłowanje změnił, wubjerće Nastroje – Nastajenja nóžkow/kónčnych nóžkow….

Znamješko

Wubjerće tute nastajenje, zo byšće znamješko abo symbol za aktualnu nóžku definował. To móže pak pismik, ličba pak wosebite znamješko być.

Wubrać

Zasadźuje wosebite znamješko jako kótwičku nóžki abo kónčneje nóžki.

Typ

Wubjerće, hač so ma nóžka abo kónčna nóžka zasadźić. Čisłowanje kónčnych nóžkow je separatne wot čisłowanja nóžkow.

Nóžka

Zasadźuje kótwičku nóžki na aktualnej poziciji kursora w dokumenće a přidawa nóžku deleka na stronje.

Kónčna nóžka

Zasadźuje kótwičku kónčneje nóžki na aktualnej poziciji kursora w dokumenće a přidawa kónčnu nóžku na kóncu dokumenta.

Nóžki abo kónčne nóžki zasadźić a wobdźěłać

Nóžki/Kónčne nóžki