Wotrězk

Nastaja kajkosće wotrězka.

Nowy wotrězk

Zapodajće mjeno za nowy wotrězk. Po standardźe LibreOffice nowym wotrězkam awtomatisce mjeno „Wotrězk X“ připokazuje, při čimž X je běžne čisło.

Zwjazanje

Zwjazanje

Zasadźuje wobsah druheho dokumenta abo wotrězka z druheho dokumenta do aktualneho wotrězka.

DDE

Wutworja zwjazanje DDE. Wubjerće tutón kontrolny kašćik a zapodajće potom přikaz DDE, kotryž chceće wužiwać. Nastajenje DDE je jenož k dispoziciji, jeli kontrolny kašćik Zwjazanje je wubrany.

Powšitkowna syntaksa za přikaz DDE je: „<Server> <Topic> <Item>“, při čimž Server je mjeno DDE za nałoženje, kotrež daty wobsahuje. Topic so na městno za Item poćahuje (zwjetša datajowe mjeno) a Item reprezentuje poprawny objekt.

Zo byšće na přikład wotrězk z mjenom „Wotrězk1“ z tekstoweho dokumenta abc.odt jako zwjazanje DDE zasadźił, wužiwajće slědowacy přikaz: „soffice x:\abc.odt Wotrězk1“. Zo byšće wobsah prěnjeje cele z tabeloweho dokumenta Microsoft Excel z mjenom „abc.xls“ zasadźił, wužiwajće slědowacy přikaz: „excel x:\[abc.xls]Tabela1 L1Š1“. Móžeće tež elementy kopěrować, kotrež chceće jako zwjazanje DDE zasadźić a potom Wobdźěłać – Wobsah zasadźić…. Móžeće potom přikaz DDE za zwjazanje pokazać, hdyž wobsah wuběraće a potom Wobdźěłać – Pola….

Datajowe mjeno

Zapodajće šćežku a datajowe mjeno za dataju, kotruž chceće zasadźić abo klikńće na tłóčatko Přepytać, zo byšće dataju pytał.

Přepytać

Pytajće dataju, kotruž chceće jako zwjazanje zasadźić, a klikńće potom na Zasadźić.

Wotrězk

Wubjerće wotrězk w dataji, kotryž chceće jako zwjazanje zasadźić.

Hdyž dokument wočinjeće, kotryž zwjazane wotrězki wobsahuje, prašeja so was, hač chceće zwjazanja aktualizować.

Škit přećiwo pisanju

Škitać

Škita wubrany wotrězk před wobdźěłanjom.

Z hesłom

Škita wubrany wotrězk z hesłom. Hesło dyrbi znajmjeńša 5 znamješkow měć.

Hesło

Wočinja dialog, hdźež móžeće aktualne hesło změnić.

Schować

Schować

Schowa wubrany wotrězk a škita jón před ćišćenjom. Komponenty schowanych wotrězkow so w Nawigatorje šěre jewja. Hdyž swój pokazowak myški nad schowanu komponentu w Nawigatorje dźeržiće, so pokiw pomocy „schowany“ pokaza.

Z wuměnjenjom

Zapodajće wuměnjenje, kotrež dyrbi spjelnjene być, zo so wotrězk schował. Wuměnjenje je logiski wuraz a dyrbi pak TRUE pak FALSE być.

Móžeće na přikład pólnu wariablu x a jeje hódnotu na 1 stajić. Podajće potom wuměnjenje na zakładźe tuteje wariable za chowanje wotrězka, na přikład: x EQ 1, zo byšće wotrězk schował. Jeli chceće wotrězk pokazać, stajće hódnotu wariable x na 0.

Kajkosće

Widźiće tutón wobłuk dialoga, hdyž aktualny dokument je dokument XForms.

W přećiwo pisanju škitanym dokumenće wobdźěłujomny

Wubjerće tute nastajenje, zo byšće wobdźěłanje wobsaha wotrězka dowolił, samo hdyž dokument je přećiwo pisanju škitany.