Manuelne łamanje zasadźić
Zasadźuje manuelne łamanje linki, špalty abo strony na aktualnej poziciji kursora.
Typ
Wubjerće typ łamanja, kotryž chceće zasadźić.
Łamanje linki
Kónči aktualnu linku a přesuwa tekst namakany naprawo wot kursora do přichodneje linki, bjeztoho zo by so nowy wotstawk wutworił.
Městno noweho starta podawa, hdźež so ma přichodna linka za łamanjom linki započeć.
Móžne hódnoty su deleka.
Originalne tekstowe wuhotowanje:
|
Hódnota |
Formatěrowanske znamješko |
Woznam |
|---|---|---|
|
[Žadyn] |
|
Direktnje z aktualnej linku pokročować. |
|
Přichodna połna linka |
|
Z přichodnej połnej linku pokročować, kotraž je pod wšěmi zakótwjenymi objektami, kotrež aktualnu linku prěča. |
|
Nalěwo |
|
Z přichodnej linku pokročować, kotraž na lěwym boku zablokowana njeje. |
|
Naprawo |
|
Z přichodnej linku pokročować, kotraž na prawym boku zablokowana njeje. |
Standardna hódnota za łamanje linki je Žadyn.
Móžeće tež standardne łamanje linki zasadźić, hdyž Umsch (⇧)+Enter tłóčiće.
Łamanje špalty
Zasadźuje manuelne špaltowe łamanje (we wuhotowanju z wjacorymi špaltami) a přesuwa tekst namakany naprawo wot kursora do spočatka přichodneje špalty. Manuelne špaltowe łamanje so přez njećišćomnu liniju horjeka w nowej špalće pokazuje.
Tłóčće cmd ⌘Strg+Umsch (⇧)+Enter, zo byšće łamanje špalty zasadźił.
Łamanje strony
Zasadźuje manuelne špaltowe łamanje a přesuwa tekst namakany naprawo wot kursora do spočatka přichodneje strony. Zasadźene łamanje strony so přez njećišćomnu liniju horjeka na nowej stronje pokazuje.
Móžeće tež cmd ⌘Strg+Enter tłóčić, zo byšće łamanje strony zasadźił. Jeli wšak chceće slědowacej stronje druhu předłohu strony připokazać, dyrbiće menijowy přikaz wužiwać, zo byšće manuelne łamanje strony zasadźił.
Předłoha strony
Wubjerće předłohu strony za stronu, kotraž manuelnemu łamanju strony slěduje.
Zo byšće mjez prěčnym a wysokim formatom přepinał, wubjerće předłohu strony Standard, zo byšće wysoki format wužiwał abo předłohu Prěčny format, zo byšće prěčny format wužiwał.
Čisło strony změnić
Připokazuje stronje, kotraž manuelnemu łamanju strony slěduje, čisło strony, kotrež podawaće. Tute nastajenje je jenož k dispoziciji, jeli stronje, kotraž manuelnemu łamanju strony slěduje, druhu předłohu strony připokazujeće.
Čisło strony
Zapodajće nowe čisło strony za stronu, kotraž manuelnemu łamanju strony slěduje.
