Wotrězki

Měnja kajkosće wotrězkow, kotrež su we wašim dokumenće definowane.

Zo byšće wotrězk zasadźił, wubjerće tekst abo klikńće do swojeho dokumenta a wubjerće potom Zasadźić – Wotrězk.

Přistup k tutomu přikazej …

Z menijoweje lajsty:

Wubjerće Format – Wotrězki

Ze statusoweje lajsty:

Klikńće na wobłuk Objektowe informacije.

Z bóčnicy:

Wočińće kontekstowy meni wubraneho wotrězka we woknje Nawigacija a wubjerće Wobdźěłać.

Dialog Wotrězki wobdźěłać je podobny na dialog Zasadźić – Wotrězk a skići slědowace přidatne nastajenja:

Wotrězk

Zapodajće mjeno wotrězka, kotryž chceće wobdźěłać abo klikńće na mjeno w lisćinje Wotrězk. Jeli kursor tuchwilu je we wotrězku, so mjeno wotrězka naprawo w statusowej lajsće deleka we woknje dokumenta pokazuje.

Aktualny status škita přećiwo pisanju wotrězka so přez zamkowy symbol před mjenom wotrězka w lisćinje podawa. Wočinjeny zamk nješkitany a začinjeny zamk škitany woznamjenja. Wotpowědnje tomu brylowy symbol na widźomne wotrězki pokazuje.

Nastajenja

Wočinja dialog Nastajenja, hdźež móžeće špaltowe wuhotowanje, pozadk, zadźerženje nóžkow a kónčnych nóžkow wubraneho wotrězka wobdźěłać. Jeli wotrězk je přez hesło škitany, dyrbiće najprjedy hesło zapodać.

Wotstronić

Wotstronja wubrany wotrězk z dokumenta a zasadźuje wobsah wotrězka do dokumenta.