Awtomatiski tekst

Wutworja, wobdźěłuje abo zasadźuje awtomatiski tekst. Móžeće formatěrowany tekst, tekst z grafikami, tabele a pola jako awtomatiski tekst składować. Zo byšće awtomatiski tekst spěšnje zasadźił, zapodajće skrótšenku za awtomatiski tekst do swojeho dokumenta a tłóčće potom F3.

Móžeće tež na šipk pódla symbola Awtomatiski tekst na symbolowej lajsće Zasadźić kliknyć a potom awtomatiski tekst wubrać, kotryž chceće zasadźić.

Přistup k tutomu přikazej …

Z menijoweje lajsty:

Wubjerće Nastroje – Awtomatiski tekst…

Z powjercha z rajtarkami:

Wubjerće Zasadźić – Awtomatiski tekst.

Wubjerće Awtomatiski tekst… w meniju Zasadźić rajtarka Zasadźić.

Ze symbolowych lajstow:

Awtomatiski tekst

Z tastatury:

+ F3

Awtomatiski tekst wužiwać

Awtomatiski tekst

Dialog Awtomatiski tekst kategorije a zapiski awtomatiskeho teksta nalistuje.

Za zapodaće zbytny dźěl mjena jako namjet pokazać

Pokazuje namjet za wudospołnjenje słowa jako pomhacy pokiw, hdyž prěnje tři pismiki słowa zapodawaće, kotrež zapiskej awtomatiskeho teksta wotpowěduja. Tłóčće Enter, zo byšće namjet přiwzał. Jeli wjacore zapiski awtomatiskeho teksta pismikam wotpowěduja, kotrež zapodawaće, tłóčće +tabulator (↹), zo byšće zapiski přeběžał. Zo byšće na přikład slepy tekst zasadźił, zapodajće „sle“ a tłóčće potom Enter.

Zo byšće lisćinu w nawopačnym porjedźe pokazał, tłóčće +Umsch (⇧)+tabulator (↹).

Mjeno

Nalistuje mjeno tuchwilu wubraneho zapiska awtomatiskeho teksta. Jeli sće tekst w dokumenće wubrał, zapodajće mjeno noweho zapiska awtomatiskeho teksta, klikńće na tłóčatko Awtomatiski tekst a wubjerće potom Nowy.

Skrótšenka

Pokazuje skrótšenku za wubrany zapisk awtomatiskeho teksta. Jeli nowy zapisk awtomatiskeho teksta wutworjeće, zapodajće skrótšenku, kotruž chceće za tutón zapisk wužiwać.

Lisćinowe polo

Nalistuje kategorije awtomatiskeho teksta. Zo byšće zapiski awtomatiskeho teksta w kategoriji pokazał, klikńće dwójce na kategoriju abo klikńće na plusowe znamješko (+) před kategoriju. Zo byšće zapisk awtomatiskeho teksta do aktualneho dokumenta zasadźił, wubjerće zapisk w lisćinje a klikńće potom na Zasadźić.

Móžeće zapiski awtomatiskeho teksta wo jedneje kategorije do druheje ćahnyć a tam pušćić.

Zasadźić

Zasadźuje wubrany awtomatiski tekst do aktualneho dokumenta.

Jeli njeformatěrowany zapisk awtomatiskeho tekst do wotstawka zasadźił, so zapisk z aktualnej wotstawkowej předłohu formatěruje.

Začinić

Začinja dialog a składuje wšě změny.

Awtomatiski tekst

Klikńće, zo byšće přidatne přikazy za awtomatiski tekst pokazał, na přikład, zo byšće nowy zapisk awtomatiskeho teksta z tekstoweho wuběra w aktualnym dokumenće wutworił.

Nowy

Wutworja nowy zapisk awtomatiskeho teksta z wuběra w aktualnym dokumenće. Zapisk so tuchwilu wubranej kategoriji awtomatiskeho teksta přidawa. Dyrbiće najprjedy mjeno zapodać, prjedy hač tutón přikaz widźiće.

Nowy (jenož tekst)

Wutworja nowy zapisk awtomatiskeho teksta jenož z teksta we wuběrje w aktualnym dokumenće. Grafiki, tabele a druhe objekty so njezapřijimaja. Dyrbiće najprjedy mjeno zapodać, prjedy hač tutón přikaz widźiće.

Kopěrować

Kopěruje mjezyskładej wubrany awtomatiski tekst.

Wuměnić

Wuměnuje wobsah wubraneho zapiska awtomatiskeho teksta z wuběrom w aktualnym dokumenće.

Přemjenować

Wočinja dialog Awtomatiski tekst přemjenować, hdźež móžeće mjeno wubraneho zapiska awtomatiskeho teksta změnić.

Zhašeć

Zhaša wubrany element abo elementy po wobkrućenju.

Wobdźěłać

Wočinja wubrany zapisk awtomatiskeho teksta za wobdźěłowanje w separatnym dokumenće. Přewjedźće požadane změny, wubjerće Dataja – Awtomatiski tekst składować a potom Dataja – Začinić.

Makro

Wočinja dialog Makro připokazać, hdźež k wubranemu zapiskej awtomatiskeho teksta připowěšeće.

Móžeće tež makra wužiwać, kotrež su z někotrymi podatych zapiskow awtomatiskeho tekst, kotrež wutworjeće, zwjazane. Zapiski awtomatiskeho tekst dyrbja so z nastajenjom „jenož tekst“ wutworić. Zasadźće na přikład znamješkowy rjećazk <field:company> do zapiska awtomatiskeho teksta a LibreOffice znamješkowy rjećazk z wobsahom wotpowědneho pola datoweje banki wuměni.

Importować

Wočinja dialog, hdźež móžeće dokument abo dokumentowu předłohu Word 97/2000/XP wubrać, kotrejž zapiski awtomatiskeho teksta wobsahujetej, kotrež chceće importować.

Kategorije

Ořidawa, přemjenuje abo zhaša kategorije awtomatiskeho teksta.

Kategorije wobdźěłać

Přidawa, přemjenuje abo zhaša kategorije awtomatiskeho teksta.

Kategorija

Pokazuje mjeno wubraneje kategorije awtomatiskeho teksta. Zo byšće mjeno kategorije změnił, zapodajće nowe mjeno a klikńće potom na Přemjenować. Zo byšće nowu kategoriju wutworił, zapodajće mjeno a klikńće potom nba Nowy.

Šćežka

Pokazuje aktualnu šćežku k zapisej, hdźež su wubrane kategorijowe dataje awtomatiskeho teksta składowane. Jeli kategoriju awtomatiskeho teksta wutworjeće, wubjerće składowanske městno za kategorijowe dataje.

Nowy

Wutwori z mjenom, kotrež sće do pola Mjeno zapodał, nowu kategoriju awtomatiskeho teksta.

Přemjenować

Změni mjeno wubraneje kategorije awtomatiskeho teksta do mjena, kotrež sće w polu Mjeno zapodał.

Wuběranska lisćina

Nalistuje eksistowace kategorije awtomatiskeho teksta a wotpowědne šćežki.

Zhašeć

Zhaša wubrany element abo wubrane elementy bjez wobkrućenja.

Šćežka

Wočinja dialog Šćežki wobdźěłać, hdźež móžeće zapis za składowanje awtomatiskeho teksta wubrać.

Zo byšće nowu šćežku k zapisej awtomatiskeho teksta přidał, klikńće na tłóčatko Šćežka w dialogu Awtomatiski tekst.

Zwjazanja relatiwnje składować k

Wužiwajće tutón wobłuk, zo byšće postajił, kak so ma LibreOffice zwjazanja do zapisa awtomatiskeho teksta zasadźić.

Datajowy system

Zwjazanja ze zapisami awtomatiskeho teksta na wašim ličaku su relatiwne.

Internet

Zwjazanja z datajemi w interneće su relatiwne.