Nawigěrować po
Wuběranske polo Nawigěrować po wuběranje kategorije zmóžnja, po kotrejž so ma dokument nawigěrował, mjez nimi strony, nadpisma, wotrězki, objekty, pola, komentary, najnowše pytanske wuslědki a aktualnosć pozicije kursora. Móžeće potom šipowej symbolej Wróćo a Dale wužiwać, zo byšće tekstowy kursor w dokumenće na předchadny abo přichodny cil pozicioněrował.
Z Nawigěrować po dźěłać
Po standardźe so kategorija Strona wuběra, jeli njejsće druhu kategoriju wubrał, a šipki so přez ličbne polo wuměnjeja, kotrež da so wužiwać, zo byšće k předchadnej abo přichodnej stronje přešoł abo k wěstej stronje skočił.
Hdyž druhu kategoriju wuběraće, móžeće šipowej tłóčatce „Wróćo“ abo „Dale“ wužiwać. Popisaj tuteju tłóčatkow typ objekta podawatej, kotryž sće wubrał. Tekstowy kursor so potom na wubrany objekt staji.
Wróćo
Skoči k předchadnemu zapiskej w dokumenće. Zo byšće zapiskowy typ podał, ke kotremuž so ma skočić, klikńće na lisćinu Nawigěrować po a potom na zapiskowu kategoriju – na přikład „Wobrazy“.
Předchadny zapisk
Přichodny
Skoči k přichodnemu zapiskej w dokumenće. Zo byšće zapiskowy typ podał, ke kotremuž so ma skočić, klikńće na lisćinu Nawigěrować po a potom na zapiskowu kategoriju – na přikład „Wobrazy“.
Přichodny zapisk
Móžeće LibreOffice po swójskich nastajenjach za nawigaciju w dokumenće konfigurować. Zo byšće to činił, wubjerće Nastroje – Přiměrić…. Wšelake tabele za přiměrjenje menijow, tastatury abo symbolowych lajstow wšelake funkcije za nawigaciju w dokumenće w kategoriji „Nawigěrować“ wobsahuja. Móžeće na přikład symbolowej lajsće tłóčatka přidać, zo byšće k zapisowymi zapiskam w dokumenće z přikazomaj „K přichodnemu resp. K předchadnemu zapisowemu zapiskej“ skočił.
K dispoziciji stejace kategorije do dalokeje měry tym we wuběranskim polu Nawigator wotpowěduja. Móžeće wšak druhe skakanske cile wubrać, kotrež klasiske kategorije Nawigatora njejsu: na přikład Dopomnjeća, Wospjetowanske pytanje abo Aktualnosć.
Wubjerće jednu ze slědowacych móžnosćow: zapołožki, komentary, wodźenske elementy, rysowanske objekty, pola po typje, pola, nóžki, wobłuki, nadpisma, wobrazy, zapisy, OLE-objekty, strona, aktualnosć, dopomnjeće, wospjetowanske pytanje, wotrězki, wuběr, tabelowa formla, tabele, tabelowa formla ze zmylkami.
Nóžki
Wubjerće kategoriju Nóžki, zo byšće mjez nóžkami a kónčnymi nóžkami skakał. To da so w zwisku z tłóčatkom Kótwička ↔ Tekst w Nawigatorje wužiwać, zo byšće spěšnje mjez tekstom nóžki/kónčneje nóžki a jeje kótwičku w tekstowym wobsahu skakał.
Aktualnosć
Hdyž so kategorija Aktualnosć wuběra, datej so tłóčatce Wróćo a Doprědka wužiwać, zo byšće k aktualnym pozicijam kursora w dokumenće skočić.
Dopomnjeća
Hač do 5 dopomnjećow (kotrež so njeskładuja, hdyž dokument je začinjeny) da so na rozdźělnych městnach w dokumenće stajić. Stajće dopomnjeće z tłóčatkom Dopomnjeća stajić w Nawigatorje.
Dopomnjeća so w tym porjedźe přeběža, w kotrymž su postajene. Dopomnjeća so njeskładuja, hdyž so dokument začinja.
Pytanje wospjetować
Z kategoriju móžeće pytanje wospjetować, kotrež sće z dialogom Pytać a wuměnić abo ze symbolowej lajstu Pytać započał. Jeli nětko na jedyn ze šipkow klikaće, so pytanje z jako poslednim pytanym zapřijećom pokročuje.
Wuběr
Jeli wjacory wuběr je aktiwny (na přikład, hdyž Strg + kliknjenje a ćehnjenje abo wuběranski modus za přidawanje wužiwaće, abo po pytanju Wšě pytać), wuběr wam zmóžnja, wot jednoho wuběra do druheho skočić.
Tabelowe formle
Z tabelowymi formlemi móžeće pak z Tabelowa formla ke wšěm tabelowym formlam skočić, kotrež su we wašim dokumenće pak z Wopačna tabelowa formla jenož k wopačnym. Z wopačnymi formlemi móžeće jenož k formlam skočić, kotrež su k zmylkam wjedli. Program formle, kotrež k zmylkam wjedu, přeskoči (tuž tajke, kotrež na wopačne formle pokazuja).