Nawigator
Pokazuje abo chowa wokno Nawigatora, w kotrymž móžeće spěšnje k druhim dźělam dokumenta skočić.
Wužiwajće Nawigator, zo byšće elementy z aktualneho dokumenta abo druhich wočinjenych dokumentow zasadźił a globalne dokumenty rjadował.
Zo byšće zapisk w Nawigatorje wobdźěłał, klikńće z prawej tastu na zapisk, a wubjerće potom přikaz z kontekstoweho menija.
Móžeće Nawigator ke kromje dźěłoweho wobłuka přidokować.
Zo byšće Nawigator přesunył, ćehńće jeho titulnu lajstu.
Zo byšće Nawigator přidokował, ćehńće jeho titulnu lajstu do lěweje, praweje abo delnjeje kromy dźěłoweho wobłuka. Zo byšće Nawigator wotdokował, dźeržće tastu cmd ⌘Strg stłóčenu a klikńće dwójce na šěry wobłuk Nawigatora.
Klikńće na wočinjenski symbol (+) pódla kategorije w Nawigatorje, zo byšće zapiski w kategoriji pokazał. Klikńće na wočinjenu kategoriju, zo byšće ju začinił.
Zo byšće ličbu zapiskow w kategoriji widźał, stajće pokazowak myški na kategoriju w Nawigatorje.
Zo byšće k zapiskej w dokumenće skočił, klikńće dwójce na zapisk w Nawigatorje.
Zo byšće k přichodnemu abo předchadnemu zapiskej w dokumenće skočił, wužiwajće lisćinu Nawigěrować po, zo byšće zapiskowu kategoriju wubrał, a klikńće potom na šipkaj Wróćo abo Dale.
Nawigator wotpowědowanje mjez aktualnym poziciskim elementom dokumentoweho kursora a napohladom Nawigatora po rozdźělnych kategorijach pokazuje: nadpisma, tabele, wotkazy a wjace. Element so we wobsahowym napohledźe Nawigatora pokazuje a wuzběhuje. Jeli element je w začinjenej runinje, so trěbne runiny nad njej awtomatisce wočinjeja a wostawaja potom wočinjene.
Dokumentowe elementy so přez to wuzběhuja, zo so jich barba na pokazanej stronje přewobroćuje, hdyž kursor myški w Nawigatorje nad mjenom zapiska dźeržiće. To zmóžnja, skedźbnosć na wuzběhnjeny element w Nawigatorje złožić.
Nawigěrować po
Wužiwajće wuběranske polo, zo byšće zapiskowy typ wubrał, po kotrymž so ma nawigěrować, hdyž tłóčatce Wróćo a Dale wužiwaće.
Wróćo
Skoči k předchadnemu zapiskej w dokumenće. Zo byšće zapiskowy typ podał, ke kotremuž so ma skočić, klikńće na lisćinu Nawigěrować po a potom na zapiskowu kategoriju – na přikład „Wobrazy“.
Předchadny zapisk
Dale
Skoči k přichodnemu zapiskej w dokumenće. Zo byšće zapiskowy typ podał, ke kotremuž so ma skočić, klikńće na lisćinu Nawigěrować po a potom na zapiskowu kategoriju – na přikład „Wobrazy“.
Přichodny zapisk
Čisło strony
Zapodajće čisło strony, ke kotrejž chceće skočić a tłóčće potom Enter. Wužiwajće wjerćite tłóčatka, zo byšće nawigěrował.
Wobsahowy nawigaciski napohlad
Přepina mjez pokazanjom wšěch kategorijow w Nawigatorje a wubranej kategoriju.
Wobsahowy nawigaciski napohlad přepinać
Kontekstowe menije wuběr přikazow wužiwać, kotrež su na tutej stronje pomocy nalistowane. Přikazy w kontekstowym meniju so změnja, wotwisujo wot toho, kotra kategorija abo kotry zapisk stej wubranej.
Schowany wotrězk w dokumenće so w Nawigator šěry pokazuje a pokazuje tekst „schowany“, hdyž pokazowak myški nad nim dźeržiće. Samsne za wobsah hłowoweje a nohoweje linki předłohow strony płaći, kotrež so w dokumenće njewužiwaja a za schowany wobsah w tabelach, wobłukach, grafikach, OLE-objektach a zapisach.
Globalny napohlad přepinać
Přepina mjez globalnym napohladom a normalnym napohladom, jeli globalny dokument je wočinjeny.
Globalny napohlad přepinać
Hłowowa linka
Přesuwa kursor do hłowoweje linki abo z hłowoweje linki do tekstoweho wobłuka dokumenta.
Hłowowa linka
Nohowa linka
Přesuwa kursor do nohoweje linki abo z nohoweje linki do tekstoweho wobłuka dokumenta.
Nohowa linka
Kótwička <-> Tekst
Skoči mjez tekst nóžki a kótwičku nóžki.
Kótwička <-> Tekst
Dopomnjeće stajić
Klikńće tu, zo byšće dopomnjeće na aktualnej kursorowej poziciji stajił. Móžeće hač do pjeć dopomnjećow definować. Zo byšće k dopomnjeću skočił, klikńće na lisćinu Nawigěrować po, wubjerće a klikńće potom na Wróćo abo Dale.
Dopomnjeće stajić
Dopomnjeća so w tym porjedźe přeběža, w kotrymž su postajene. Dopomnjeća so njeskładuja, hdyž so dokument začinja.
Hač do rozrjadowanskeje runiny pokazać
Klikńće na symbol horjeka w Nawigatorje abo klikńće z prawej tastu na nadpismo we woknje Nawigatora a rozsudźće, kak so ma wjele runinow nadpismow we wotrězku Nadpisma wokna Nawigatora pokazać.
Wubjerće na přikład 1, zo byšće jenož nadpismo z rozrjadowanskej runinu 1 pokazał. Wubjerće 3, zo byšće nadpisma hač do rozrjadowanskeje runiny 3 pokazał; wubjerće 10, zo byšće wšě nadpisma pokazał.
Hač do rozrjadowanskeje runiny pokazać
Lisćinowe polo
Pokazuje abo chowa lisćinu Nawigatora.
Lisćinowe polo zapinyć/wupinyć
Rozrjadowansku runinu wyše zastopnjować
Zastopnjuje rozrjadowansku runinu wubraneho nadpisma a nadpismow, kotrež su pod nim wo jednu runinu. Zo byšće rozrjadowansku runinu wubraneho nadpisma wyše zastopnjował, dźeržće tastu cmd ⌘Strg stłóčenu a klikńće potom na tutón symbol.
Rozrjadowansku runinu wyše zastopnjować
Rozrjadowansku runinu niže zastopnjować
Zastopnjuje rozrjadowansku runinu wubraneho nadpisma a nadpismow, kotrež su pod nadpismom, wo jednu runinu niže. Zo byšće jenož rozrjadowansku runinu wubraneho nadpisma niže zastopnjował, dźeržće tastu cmd ⌘Strg stłóčenu a klikńće potom na tutón symbol.
Rozrjadowansku runinu niže zastopnjować
Nadpismo horje přesunyć
Přesuwa wubrane nadpismo a tekst pod nadpismom w Nawigatorje a w dokumenće wo jednu nadpismowu poziciju horje. Zo byšće jenož wubrane nadpismo přesunył a nic přisłušny tekst z nadpismom, dźeržće tastu cmd ⌘Strg a klikńće potom na tutón symbol.
Nadpismo horje přesunyć
Nadpismo dele přesunyć
Přesuwa wubrane nadpismo a tekst pod nadpismom w Nawigatorje a w dokumenće wo jednu nadpismowu poziciju dele. Zo byšće jenož wubrane nadpismo přesunył a nic přisłušny tekst z nadpismom, dźeržće tastu cmd ⌘Strg a klikńće potom na tutón symbol.
Nadpismo dele přesunyć
Zo byšće nadpisma a jich přisłušny tekst w swojim dokumenće přerjadował, wubjerće kategoriju „Nadpisma“ w lisćinje a klikńće potom na symbol Wobsahowy napohlad. Nětko móžeće ćehnjenje a pušćenje wužiwać, zo byšće wobsah přerjadował.
Ćehnity modus
Staja nastajenja za ćehnjenje a pušćenje za zasadźenje zapiskow z Nawigatora do dokumenta, na přikład jako wotkaz. Klikńće na tutón symbol a wubjerće potom nastajenje, kotrež chceće wužiwać.
Ćehnity modus
Jako wotkaz zasadźić
Wutworja wotkaz, hdyž zapisk přez ćehnjenje a pušćenje do dokumenta zasadźujeće. Klikńće na wotkaz w dokumenće, zo byšće k zapiskej skočił, na kotryž wotkaz pokazuje.
Jako zwjazanje zasadźić
Zasadźuje wubrany zapisk jako zwjazanje na tym městnje, hdźež w aktualnym dokumenće ćehnjeće a pušćeće. Tekst so jako škitane wotrězki zasadźuje. Wobsah zwjazanja so awtomatisce aktualizuje, hdyž so žórło měnja. Zo byšće zwjazanje manuelnje w dokumenće aktualizował, wubjerće Nastroje – Aktualizować – Zwjazanja. Njemóžeće zwjazanja wot grfikow, OLE-objekto, referencow a zapisow wutworić.
Jako kopiju zasadźić
Zasadźuje kopiju wubraneho zapiska, hdźež w aktualnym dokumenće ćehnjeće a pušćeće. Njemóžeće kopije grafikow, OLE-objektow, referencow a zapiskow ćahnyć a pušćić.
Wočinjene dokumenty
Nalistuje mjena wšěch wočinjenych tekstowych dokumentow. Zo byšće sej wobsah dokumenta we woknje Nawigatora wobhladał, wubjerće mjeno dokumenta w lisćinje. Aktualny dokument, kotryž so w Nawigatorje pokazuje, so ze słowom „aktiwny“ za swojim mjenom w lisćinje woznamjenja.
Rozrjadej slědować
Nastajće modus za rozrjadowanskeho slědowanje Nawigatora. Tuta funkcija jenož za rozrjadowanske zapiski pod we wobłuku wobsahoweho napohlad Nawigatora płaći. Zo byšće modus wobhladał, zmóžnił abo změnił, klikńće z prawej na abo na zapisk pod „Nadpisma“ a wubjerće . Wubrany modus so na cyły dokument nałoži.
W modusomaj a Nawigator awtomatisce najbliše nadpismo před aktualnej kursorowej poziciju w dokumenće wuběra.
W modusu so pokazanje rozrjadowanskich zapiskow w Nawigatorje ženje njezměnja, jenož rozrjadowanski zapisk so wuběra.
W modusu Nawigator jenož nadpisma za wubranu rozrjadowansku runinu relatiwnje k přichodnej wyšej rozrjadowanskej runinje pokazuje. Jeli so na přikład nadpismo runiny 2 wuběra, so wšě nadpisma runiny 2 pod samsnym nadpismom runiny 1 pokazuja, mjeztym zo so wšě nadpisma runinow 3-10 (pod samsnym nadpismom runiny 1) chowaja. Druhe nadpisma, kotrež pod samsnym nadpismom runiny 1 njejsu, so tež chowaja.
Wubjerće , zo byšće Rozrjadej slědować znjemóžnił.
Kopěrować
Kopěruje nadpismo a wobsah, kotryž nadpismu slěduje hač do přichodneho nadpisma ze samsnej rozrjadowanskej runinu. Wobsah wotstawki z rozrjadowanskej runinu „Žadyn“ a nadpisma z rozrjadowanskej runinu, kotraž je wjetša hač kopěrowane nadpismo, wobsahuje. Móžeće wobsah na druhim městnje w dokumenće zasadźić.
Nadpismo zhašeć
Zhaša nadpismo a wobsah, kotryž nadpismu slěduje, hač do přichodneho nadpisma ze samsnej rozrjadowanskej runinu. Tutón wobsah wotstawki z rozrjadowanskej runinu „Žadyn“ a nadpisma z rozrjadowanskej runinu wobsahuje, kotraž je wjetša hač zhašane nadpismo.
Wubrać
Wuběra nadpismo a wobsah, kotryž nadpismu slěduje, hač do přichodneho nadpisma ze samsnej rozrjadowanskej runinu. Tutón wobsah wotstawki z rozrjadowanskej runinu „Žadyn“ a nadpisma z rozrjadowanskej runinu wobsahuje, kotraž je wjetša hač wubrane nadpismo.
Pokazać
Wubjerće dokument, kotryž chceće sej wobhladać.
Wobdźěłać
Wobdźěłajće kajkosće wubraneho objekta.
Přemjenować
Přemjenuje wubrany objekt. Za čas wutworjenja objekta LibreOffice objektej jónkróćne mjeno w dokumenće připokazuje.
Tabelu zhašeć
Zhaša wubranu tabelu.
Tabeli slědować
Markěrujće tutón kontrolny kašćik, zo byšće tabele zapřijał, hdyž so změny slěduja.
Wobłuk zhašeć
Zhaša wobłuk a wšón jeho wobsah.
Wobłukej slědować
Markěrujće tutón kontrolny kašćik, zo byšće wobłuki zapřijał, hdyž so změny slěduja.
Wotrězkowe slědowanje
Markěrujće tutón kontrolny kašćik, zo byšće wotrězki zapřijał, hdyž so změny slěduja.
Wobraz zhašeć
Zhaša wobraz.
Wobrazej slědować
Markěrujće tutón kontrolny kašćik, zo byšće wobrazy zapřijał, hdyž so změny slěduja.
OLE-objekt zhašeć
Zhaša OLE-objekt.
OLE-objektej slědować
Markěrujće tutón kontrolny kašćik, zo byšće OLE-objekty zapřijał, hdyž so změny slěduja.
Zapołožku zhašeć
Zhaša zapołožku.
Zapołožce slědować
Markěrujće tutón kontrolny kašćik, zo byšće zapołožki zapřijał, hdyž so změny slěduja.
Hyperwotkaz zhašeć
Zhaša hyperwotkaz.
Hyperwotkazej slědować
Markěrujće tutón kontrolny kašćik, zo byšće hyperwotkazy zapřijał, hdyž so změny slěduja.
Referencu zhašeć
Zhaša referencu.
Referency slědować
Markěrujće tutón kontrolny kašćik, zo byšće referency zapřijał, hdyž so změny slěduja.
Aktualizować
Aktualizuje zapis.
Wotstronić
Wotstronja zapis. Wobsah zapisa so njezhaša, ale z nim kaž ze zapisom hižo njewobchadźeja.
Přećiwo pisanju škitany
Markěrujće tutón kontrolny kašćik, zo byšće wobdźěłanju zapisoweho wobsaha zadźěwał.
Zapis zhašeć
Zhaša zapis.
Zapisej slědować
Markěrujće tutón kontrolny kašćik, zo byšće zapisy zapřijał, hdyž změny slědujeće.
Komentar zhašeć
Zhaša komentar.
Komentarej slědować
Markěrujće tutón kontrolny kašćik, zo byšće komentary zapřijał, hdyž změnam slědujeće.
Rysowanski objekt zhašeć
Zhaša rysowanski objekt.
Rysowanskemu objektej slědować
Markěrujće tutón kontrolny kašćik, zo byšće rysowanske objekty zapřijał, hdyž změnam slědujeće.
Polo zhašeć
Zhaša polo.
Polu slědować
Markěrujće tutón kontrolny kašćik, zo byšće pola zapřijał, hdyž změnam slědujeće.
Nóžku zhašeć
Zhaša nóžku.
Nóžce slědować
Markěrujće tutón kontrolny kašćik, zo byšće nóžki zapřijał, hdyž změnam slědujeće.
Kónčnu zhašeć
Zhaša kónčnu nóžku.
Kónčnej nóžce slědować
Markěrujće tutón kontrolny kašćik, zo byšće kónčne nóžki zapřijał, hdyž změnam slědujeće.
Alfabetisce sortěrować
Sortěruje wšě zapiski we wubranej kategoriji alfabetisce. Znjemóžńće tute nastajenja, zo byšće zapiski po jich porjedźe wustupowanja w dokumenće sortěrował.
Wšě kategorije pokazać abo schować
Pokazuje abo chowa pokazanje objektow pod wubranej kategoriju. Mjena dokumentowych objektow so pod kategorijowym zapiskom pokazuja. Klikńće na zapisk, zo byšće k objektej w dokumenće skočił.
Dźiće k
Skoči k wubranemu objektej w dokumenće.