Serijowy ćišć

Dialog Serijowy ćišć wam pomha, serijowe listy ćišćeć a składować.

Za ćišćenje informacije datoweje banki wotpowědne pola datoweje banki (zastupowace symbole) wuměnjeja. Za dalše informacije wo zasadźenju polow datoweje banki hlejće rajtark Datowa banka w Zasadźić – Polo – Dalše pola…

Datowe sadźby

Postaja ličbu datowych sadźbow za ćišćenje serijoweho lista. Za kóždu datowu sadźbu so jedyn list ćišći.

Wšě

Předźěłuje wšě datowe sadźby z datoweje banki.

Wubrane datowe sadźby

Předźěłuje jenož wubrane datowe sadźby z datoweje banki. Tute nastajenje je jenož k dispoziciji, hdyž sće do toho trěbne datowe sadźby w datowej bance wubrał.

Wot:

Podawa čisło prěnjeje datoweje sadźby, kotraž so ma ćišćeć.

Do:

Podawa čisło poslednjeje datoweje sadźby, kotraž so ma ćišćeć.

Wudaće

Postaja, hač so maja waše serijowe listy na ćišćak słać abo do dataje składować.

Ćišćak

Ćišći serijowe listy.

Dataja

Składuje serijowe listy do datajow.

Jako jednotliwy dokument składować

Wutworja jedyn wulki dokument, kotryž wšě datowe sadźby wobsahuje.

Jako jednotliwe dokumenty składować

Wutworja jedyn dokument za kóždu datowu sadźbu.

Datajowe mjeno z datoweje banki wutworić

Wutworja kóžde datajowe mjeno z datow, kotrež su w datowej bance wobsahowane.

Polo

Wužiwa wobsah wubraneho pola datoweje banki jako datajowe mjeno za serijowy list.

Šćežka

Podawa šćežku, w kotrejž so maja serijowe listy składować.

…

Wočinja dialog Šćežku wubrać.

Datajowy format

Wubjerće datajowy format, w kotrymž so ma wutworjeny dokument składować.